ന്യൂഡല്ഹി: രാജ്യത്തെ റെയില് ശൃംഖല കൂടുതല് ശക്തിപ്പെടുത്തുന്നതിന്റെ ഭാഗമായി കേന്ദ്ര റെയില്വേ മന്ത്രി അശ്വിനി വൈഷ്ണവ് നാല് പുതിയ ട്രെയിനുകള്ക്ക് തുടക്കമിട്ടു. നാന്ദേഡ്ലോക്മാന്യ തിലക് ടെര്മിനസ് എക്സ്പ്രസ്, നാന്ദേഡ്ടനക്പൂര് എക്സ്പ്രസ്, പുരികൊരാപുട്ട് എക്സ്പ്രസ് എന്നീ ട്രെയിനുകള് ഫ്ലാഗ് ഓഫ് ചെയ്തതോടൊപ്പം ബ്രഹ്മപുരംസൂരത്ത് (ഉധ്ന) അമൃത് ഭാരത് എക്സ്പ്രസും വൈകിട്ട് സര്വീസ് ആരംഭിക്കും.
നാന്ദേഡ്എല്ടിടി എക്സ്പ്രസ് മഹാരാഷ്ട്രയിലെ നാന്ദേഡ്, ഹിംഗോളി, വാഷിം, അകോല, ബുല്ധാന, ജല്ഗാവ്, നാസിക്, താനെ, മുംബൈ നഗരപരിസരം എന്നിവിടങ്ങളിലെ യാത്രക്കാര്ക്ക് പ്രയോജനപ്പെടും. പൂര്ണ, ബസ്മത്, ഹിംഗോളി ഡെക്കന്, വാഷിം, അകോല, മല്കാപൂര്, ഭുസാവല്, ചാലിസ്ഗാവ്, മന്മാഡ്, നാസിക് റോഡ്, ഇഗത്പുരി, കല്യാണ് തുടങ്ങിയ സ്റ്റേഷനുകളില് ട്രെയിന് സ്റ്റോപ്പുണ്ടാകും.
നാന്ദേഡ്ടനക്പൂര് എക്സ്പ്രസ് ഉത്തരാഖണ്ഡ്, ഉത്തര്പ്രദേശ്, മധ്യപ്രദേശ്, മഹാരാഷ്ട്ര എന്നീ സംസ്ഥാനങ്ങളെ ബന്ധിപ്പിക്കുന്ന പുതിയ സര്വീസാണ്. പിലിഭിത്, ഇസ്സത്നഗര്, ബറേലി, ബദൗണ്, കാസ്ഗഞ്ച്, മഥുര, ആഗ്ര, ധോല്പൂര്, ഗ്വാളിയര്, ഝാന്സി, ലളിത്പുര്, ബീന, റാണി കമലാപതി ഭോപ്പാല്, ഇതാര്സി, ഖണ്ഡ്വ, മല്കാപൂര്, അകോല, വാഷിം, ഹിംഗോളി, ബസ്മത്, പൂര്ണ എന്നിവിടങ്ങളില് ട്രെയിന് നിര്ത്തും.
പുരികൊരാപുട്ട് എക്സ്പ്രസ് ഒഡീഷയുടെ തീരപ്രദേശത്തെയും ദക്ഷിണ ഒഡീഷയെയും നേരിട്ട് ബന്ധിപ്പിക്കുന്ന സര്വീസാണ്. ഖുര്ദ റോഡ്, ഭുവനേശ്വര്, അങ്കുല്, സംഭല്പുര്, ബോലാംഗിര്, ദമന്ജോഡി, ലക്ഷ്മിപുര് റോഡ് തുടങ്ങിയ പ്രധാന സ്റ്റേഷനുകളില് ട്രെയിന് സ്റ്റോപ്പുണ്ടാകും. ഇതിന് പുറമെ ബ്രഹ്മപുരംസൂരത്ത് (ഉധ്ന) അമൃത് ഭാരത് എക്സ്പ്രസ് വൈകിട്ട് ഫ്ലാഗ് ഓഫ് ചെയ്യും. ദക്ഷിണ ഒഡീഷയെയും ഗുജറാത്തിനെയും നേരിട്ട് ബന്ധിപ്പിക്കുന്ന ഈ ട്രെയിന് പശ്ചിമ ഇന്ത്യയിലേക്കുള്ള ദീര്ഘദൂര യാത്ര കൂടുതല് സൗകര്യപ്രദമാക്കുമെന്ന് റെയില്വേ അധികൃതര് അറിയിച്ചു.
