ന്യൂഡല്ഹി: കൊറോണ വൈറസിനെ പ്രതിരോധിക്കാനുള്ള ദുരിതാശ്വാസ പാക്കേജിലേക്ക് 100 കോടി രൂപ സംഭാവന നല്കി ബജാജ് ഗ്രൂപ്പ്. സര്ക്കാര് ആശുപത്രികളിലും സ്വകാര്യ ആശുപത്രികളിലും സൗകര്യങ്ങള് വര്ധിപ്പിക്കാനും മെഡിക്കല് ഉപകരണങ്ങള് വാങ്ങാനും ഡോക്ടര്മാര്ക്കും നഴ്സുമാര്ക്കും വ്യക്തിഗത സുരക്ഷാ സംവിധാനമായ പി പി ഇ വാങ്ങാനുമൊക്കെ പണം ഉപയോഗിക്കുമെന്ന് കമ്പനി വ്യക്തമാക്കി.
ഐ സി യു യൂണിറ്റുകള്, വെന്റിലേറ്ററുകള്, മറ്റ് ടെസ്റ്റിംഗ് യൂണിറ്റുകള് എന്നിവ വാങ്ങാനും ഫണ്ട് ഉപയോഗിക്കും. കൊറോണ കൈകാര്യം ചെയ്യാനാവശ്യമായ ആരോഗ്യ അടിസ്ഥാന സൗകര്യങ്ങള് പൂനെയില് ഒരുക്കുന്നതിന് പിന്തുണ നല്കുമെന്നും ബജാജ് ഗ്രൂപ്പ് അറിയിച്ചു.
ഗ്രാമീണ മേഖലയ്ക്ക് കമ്പനി പിന്തുണ നല്കുമെന്നും സൂചനയുണ്ട്. ഭവന രഹിതര് ദൈനംദിന കൂലി തൊഴിലാളികള്, തെരുവ് കുട്ടികള് എന്നിവര്ക്ക് പിന്തുണ നല്കുന്നതിനായി കമ്പനി ഒന്നിലധികം സംഘടനകളുമായി പ്രവര്ത്തിക്കുന്നുണ്ടെന്നും സൂചനകള് ഉണ്ട്.
