മിന്ക്: ലോക കായികരംഗം നിശ്ചലമായിരിക്കേ ഒരു കൊച്ചു രാജ്യത്ത് ഫുട്ബോള് രംഗം ആവേശത്തിലാണ്. ബെലാറസാണ് മുടങ്ങാതെ ലീഗ് ഫുട്ബോള് നടത്തുന്നത്. ലോകം മുഴുവന് ആരാധകരുള്ള മുഴുവന് അന്താരാഷ്ട്ര ലീഗുകളെല്ലാം നിര്ത്തിവച്ച സാഹചര്യത്തിലാണ് ഏറെ വിചിത്രമായ സംഭവം ബെലാറസില് നടക്കുന്നത്. റഷ്യന് ഭൂഖണ്ഡത്തില്പെട്ട ബെലാറസില് ആകെ 20 ലക്ഷത്തിനടുത്ത് മാത്രമാണ് ജനസംഖ്യയുള്ളത്. നിലവില് 94 പേര്ക്ക് കൊറോണ ബാധിച്ചിട്ടുമുണ്ട്. ഫുട്ബോളിനെക്കൂടാതെ ഐസ് ഹോക്കിയ്ക്ക് ഏറെ പ്രചാരമുള്ള നാടാണ് ബെലാറസ്.
16 ടീമുകളുള്ള ബെലാറസ് ലീഗില് നീമാന്, ഷാക്തിയാര്, ഡൈനാമോ മിന്ക്, ബാതേ എന്നീ ടീമുകള് റഷ്യന് ലീഗിലെ നിറസാന്നിദ്ധ്യമാണ്.എന്നാലിതുവരെ യുവേഫയുടെ സുപ്രധാന ലീഗുകളിലേക്ക് ആര്ക്കും പ്രവേശനം ലഭിച്ചിട്ടില്ല. ഇതിനിടെ ആകെ
ഫുട്ബോള് ലീഗ് നടക്കുന്നത് ബെലാറസിലായതിനാല് 10 രാജ്യങ്ങളുമായി സംപ്രക്ഷേണ കരാര് ഒപ്പിട്ടിരിക്കുകയാണ്. ഇതില് ഇന്ത്യ, റഷ്യ, ഇസ്രായേല് എന്നിവയും ഉള്പ്പെടുന്നു. ഉക്രെയിനിന്റെ സ്പോര്ട്ട്-1 ആണ് സംപ്രക്ഷണാവകാശമുള്ള വിദേശ ചാനല്.
ലോക ഫുട്ബോള് മത്സരങ്ങളെല്ലാം കാണികളെ കയറ്റാനാകാത്തതിനാല് നിര്ത്താന് തീരുമാനിക്കുകയായിരുന്നു. ഇതിനൊപ്പം പ്രധാന ടീമുകള്ക്കടക്കം കൊറോണ ബാധിച്ചതും വലിയ ഭീതിയാണുണ്ടാക്കിയത്. കഴിഞ്ഞ ദിവസമാണ് യുവന്റസ് താരം ഡി ബാല കൊറോണയില് നിന്ന് രക്ഷപെട്ട് വീട്ടില് ചികിത്സകഴിഞ്ഞ് തിരിച്ചെത്തിയത്. റയലിന്റേതടക്കം അനവധിതാരങ്ങള് നിരീക്ഷണത്തിലും നിരവധി പരിശീലകര് ചികിത്സയിലുമാണ്. യൂറോപ്പിലെ ഒരു പരിശീലകന് മരിക്കുകയും ചെയ്തിരുന്നു.
