ബാഴ്സലോണ: മുന് അന്താരാഷ്ട്ര താരവും ഇംഗ്ലീഷ് പ്രീമിയര് ലീഗിലെ മാഞ്ചസ്റ്റര് സിറ്റി പരിശീലകനുമായ പെപ് ഗാര്ഡിയോളയുടെ അമ്മ ഡോളോഴ്സ് സാലാകാരിയോ അന്തരിച്ചു. കൊറോണ ബാധിച്ച് ചികിത്സയിലായിരുന്നു. 82 വയസ്സായിരുന്നു. മാഞ്ചസ്റ്റര് സിറ്റി ക്ലബ്ബുതന്നെയാണ് സമൂഹമാദ്ധ്യമത്തിലൂടെ മരണവിവരം ലോകത്തെ അറിയിച്ചത്.
തങ്ങളുടെ പ്രീയപ്പെട്ട പരിശീലകന് പെപ് ഗാര്ഡിയോളയുടേയും കുടുംബത്തിന്റേയും ദു:ഖത്തില് പങ്കുചേരുന്നതായും മാഞ്ചസ്റ്റര് സിറ്റി സന്ദേശത്തില് പറയുന്നു. നിലവില് എല്ലാ മത്സരങ്ങളും പരിശീലനങ്ങളും നിര്ത്തിവച്ചിരിക്കുന്ന സാഹചര്യത്തില് സ്വന്തം നാടായ സ്പെയിനില് കുടുംബത്തോടൊപ്പമായിരുന്നു മാഞ്ചസ്റ്റര് സിറ്റിയുടെ സൂപ്പര് പരിശീലകന്.
സ്പാനിഷ് ക്ലബ്ബായ ബയേണ് മ്യൂണിച്ചിന്റെ പരിശീലക സ്ഥാനത്തുനിന്നാണ് ഇംഗ്ലീഷ് ക്ലബ്ബായ മാഞ്ചസ്റ്റര് സിറ്റിയുടെ ചുമതല ഏറ്റെടുത്തത്. കൊറോണ അതിശക്തമായി ബാധിച്ചിരിക്കുന്ന സ്പെയിനിലെ ആരോഗ്യരക്ഷാ പ്രവര്ത്തനങ്ങള്ക്കായി എട്ടുകോടി സംഭാവന നല്കിയും ഗാര്ഡിയോള ശ്രദ്ധനേടിയിരുന്നു.
