ന്യൂഡല്ഹി: കൊറോണ ലോക്ഡൗണിനിടെ ബിസിസിഐ കരാര് തുക കുടിശ്ശിക എല്ലാ ക്രിക്കറ്റ് താരങ്ങള്ക്കും നല്കിയതായി അറിയിച്ചു. ഒരു മാസമായി കായികമേഖല പൂര്ണ്ണമായും മരവിച്ചതോടെ ഒരു ക്രിക്കറ്റ് താരവും സാമ്പത്തിക പ്രശ്നങ്ങളില് പെടാതിരിക്കാനാണ് നടപടി എന്നും ബിസിസിഐ പറഞ്ഞു.
ലോകരാജ്യങ്ങളിലെ മറ്റ് ക്രിക്കറ്റ് ബോര്ഡുകള് ക്രിക്കറ്റ് താരങ്ങളുടെ എല്ലാം കരാര് തുകകള് കുറക്കാന് തീരുമാനിച്ചിരുന്നു. ഇംഗ്ലണ്ടില് സര്ക്കാരാണ് കളിക്കാരുടെ തുകകള് നല്കുക എന്നും തീരുമാനം എടുത്തിരുന്നു. ക്രിക്കറ്റിലും ഫുട്ബോളിലും അവിടെ തീരുമാനം സര്ക്കാറിന്റെ ഭാഗത്തുനിന്നുമാണ് ഉണ്ടായിരിക്കുന്നത്. ഇന്ത്യയില് കരാര് തുക പൂര്ണ്ണമായും നല്കി നടപ്പു സാമ്പത്തിക വര്ഷത്തെ കണക്കുകള് പൂര്ത്തിയാക്കുന്ന പ്രവര്ത്തന ത്തിലാണെന്ന് ബിസിസിഐ സാമ്പത്തിക വിഭാഗം അറിയിച്ചു. മാച്ച് ഫീ ഇനത്തില് ഇന്ത്യന് ടീം താരങ്ങളിലെ ഔദ്യോഗിക ടീമംഗങ്ങള്ക്കും എ ടീമിലുമുള്ള മുഴുവന് താരങ്ങളുടേയും തുകയാണ് നല്കിയിരിക്കുന്നത്.
കൊറോണയുടെ ലോക്ഡൗണ് പ്രഖ്യാപനം വരും മുന്നേ തന്നെ എല്ലാത്തരം പ്രതിസന്ധികളും മറികടക്കാനുള്ള നടപടികള് ബിസിസിഐ എടുത്തിരുന്നു. രണ്ടു പരമ്പരകള് തടസ്സപ്പെട്ടതും ഐപിഎല് മാറ്റിവക്കേണ്ടിവന്നതും സംപ്രക്ഷണാവകാശം, പരസ്യം തുടങ്ങിയ മേഖലകളില് നിന്നും ബിസിസിഐയ്ക്ക് കിട്ടേണ്ട വരുമാനത്തില് വന് ഇടവാണ് വരുത്തിയിരിക്കുന്നത്.
