ന്യൂഡല്ഹി : കൊറോണ വൈറസ് വ്യാപനത്തിന്റെ പശ്ചാത്തലത്തില് രാപ്പകല് ഇല്ലാതെ പോരാടുന്ന ആരോഗ്യപ്രവര്ത്തകര്ക്ക് നന്ദി അറിയിച്ച് ഗൂഗിള് . ഡൂഡില് വഴിയാണ് ആരോഗ്യപ്രവര്ത്തകര്ക്ക് ഗൂഗിള് നന്ദി അറിയിച്ചിരിക്കുന്നത്. എല്ലാ ഡോക്ടര്മാര്ക്കും, നഴ്സുമാര്ക്കും, ആരോഗ്യ പ്രവര്ത്തകര്ക്കും നന്ദി എന്ന സന്ദേശമാണ് ഇന്നത്തെ ഗൂഗിള് ഡൂഡിലില് ഉള്ക്കൊള്ളുന്നത്.
ലോകത്ത് കൊറോണ വൈറസിനെതിരെ പോരാടുന്ന എല്ലാ ആരോഗ്യപ്രവര്ത്തകര്ക്കുള്ള നന്ദി സൂചകമായി ഹൃദയത്തിന്റെ ഇമോജിയാണ് ഡൂഡിലില് ഉള്ക്കൊള്ളിച്ചിരിക്കുന്നത്. കൂടാതെ ഗൂഗിളിന്റെ അവസാന അക്ഷരമായ ഇ യ്ക്കആരോഗ്യപ്രവര്ത്തകരോട് സാദൃശ്യവും നല്കിയിട്ടുണ്ട്.
ആഗോളതലത്തില് കൊറോണ വൈറസ് ബാധ സാരമായി രീതിയില് തന്നെ ബാധിച്ചിട്ട്.. എല്ലാ ജനങ്ങളും ഒറ്റക്കെട്ടായി ഈ മഹാമാരിയെ ചെറുക്കാനുള്ള പോരാട്ടത്തില് ഏര്പ്പെട്ടിരിക്കുകയാണ്. കൊറോണയ്ക്കെതിരായ പോരാട്ടത്തിലെ മുന്നണിപ്പോരാളികളായ ആരോഗ്യപ്രവര്ത്തകര്ക്കുള്ള ആദരവ് അര്പ്പിക്കുന്നതിനായി പുതിയ ഡൂഡില് സീരിസ് പുറത്തിറക്കുന്നു എന്നാണ് ഗൂഗിള് പ്രതികരിച്ചത്.
ഡൂഡിലില് ആരോഗ്യപ്രവര്ത്തകര്ക്ക് നന്ദി അറിയിച്ചതിലൂടെ അവരുടെ പോരാട്ടങ്ങള്ക്ക് കരുത്തും പ്രചോദനവും ആയി മാറിയിരിക്കുകയാണ് ഗൂഗിള്.