ഇസ്ലാമാബാദ്: മുന് പാകിസ്താന് ഫസ്റ്റ് ക്ലാസ് ക്രിക്കറ്റ് താരം കൊറോണ ബാധിച്ച് മരിച്ചു. മുന് ക്രിക്കറ്റ് താരമായ സഫര് സര്ഫറാസാണ് മരിച്ചത്. ദിവസങ്ങള്ക്ക് മുന്പാണ് താരത്തിന് വൈറസ് ബാധ സ്ഥിരീകരിച്ചത്. തുടര്ന്ന് അദ്ദേഹത്തെ പെഷവാറിലെ സ്വകാര്യ ആശുപത്രിയില് പ്രവേശിപ്പിച്ചു. മൂന്ന് ദിവസത്തോളം വെന്റിലേറ്ററില് കഴിഞ്ഞ അദ്ദേഹം തിങ്കളാഴ്ച്ച രാത്രിയോടെ മരിച്ചു. കൊറോണ വൈറസ് ബാധ മൂലം ജീവന് നഷ്ടപ്പെടുന്ന പാകിസ്താനിലെ ആദ്യ പ്രൊഫഷണല് ക്രിക്കറ്റ് താരമാണ് സഫര് സര്ഫറാസ്.
1988 ല് ആഭ്യന്തര ക്രിക്കറ്റില് അരങ്ങേറിയ സഫര് സര്ഫറാസ് 15 ഫസ്റ്റ് ക്ലാസ് മത്സരങ്ങളില് നിന്നായി 616 റണ്സ് നേടിയിട്ടുണ്ട്. 1999 ലാണ് സഫര് ക്രിക്കറ്റില് നിന്നും വിരമിച്ചത്. വിരമിച്ച ശേഷം അദ്ദേഹം പെഷവാര് അണ്ടര് 19 ടീമിന്റെ പരിശീലകനായും സേവനം അനുഷ്ഠിച്ചു.
