ന്യൂഡല്ഹി: കൊറോണ ലോക് ഡൗണിനെ തുടര്ന്ന് നിര്ത്തിവച്ചിരിക്കുന്ന ദേശീയ പാതകളിലെ ടോണ്പിരിവുകള് ഉടന് പുനരാരംഭിക്കരുതെന്ന ആവശ്യവുമായി വാഹന ഉടമകളുടെ ദേശീയ സംഘടനകള് കേന്ദ്രസര്ക്കാറിനോട് ആവശ്യപ്പെട്ടു. മാര്ച്ച് 25 മുതലാണ് ടോള് പരിവ് തല്ക്കാലികമായി കേന്ദ്രസര്ക്കാറിന്റെ നിര്ദ്ദേശത്തെ തുടര്ന്ന് താല്ക്കാലി കമായി നിര്ത്തലാക്കിയത്. ഈ മാസം 20-ാം തീയതി മുതല് ദേശീയ പാതാ അതോറിറ്റി ടോള്പിരിവ് പുന: സ്ഥാപിക്കാന് തീരുമാനിച്ചതുമായി ബന്ധപ്പെട്ടാണ് സംഘടനകള് ആവശ്യം ഉന്നയിച്ചിരിക്കുന്നത്.
ടോള് സംവിധാനം പുന:സ്ഥാപിക്കുന്നതുമായി ബന്ധപ്പെട്ട് റോഡ് ഗതാഗത ദേശീയപാതാ അതോറിറ്റിയുടെ നിര്ദ്ദേശം ദേശീയപാത വിഭാഗത്തിന് ലഭിച്ചതായാണ് വിവരം. രാജ്യത്ത് നിലവില് 95 ലക്ഷം ട്രക്കുകളാണ് ഓടുന്നതെന്നും നിലവിലെ നിയന്ത്രണങ്ങള്ക്കിടയില് അവശ്യവസ്തുക്കളുടെ നീക്കം മാത്രമേ കൂടുതല് നടക്കാനിടയുള്ളു എന്നതിനാല് ടോള് സംവിധാനം ഒരുമാസത്തേക്ക് കൂടി നിര്ത്തിവക്കണമെന്ന ആവശ്യമാണ് ഉന്നയിച്ചി രിക്കുന്നത്.
