ന്യൂഡല്ഹി: രാജ്യത്തെ കൊറോണ പ്രതിരോധ പ്രവര്ത്തനങ്ങള്ക്ക് പിന്തുണയുമായി ജര്മ്മന് ആഢംബര വാഹന നിര്മ്മാതാക്കളായ ബിഎംഡബ്ല്യു. മൂന്ന് കോടി രൂപയുടെ സഹായമാണ് ബിഎംഡബ്ല്യു രാജ്യത്തിനായി വാഗ്ദാനം ചെയ്തിരിക്കുന്നത്. ഡല്ഹിയിലേയും തമിഴ്നാട്ടിലേയും പ്രതിരോധ പ്രവര്ത്തനങ്ങള്ക്കാണ് ബിഎംഡബ്ല്യു സഹായം വാഗ്ദാനം നല്കിയിരിക്കുന്നത്.
ഡല്ഹി- എന്സിആര്, ചെന്നൈ എന്നിവിടങ്ങളില് ദുരിതാശ്വാസ നടപടികള് നടപ്പാക്കാന് സര്ക്കാര്, സര്ക്കാര് ഇതര സംഘടനകളുമായി ചേര്ന്ന് പ്രവര്ത്തിക്കാനാണ് ബിഎംഡബ്ല്യു ഗ്രൂപ്പ് ഇന്ത്യയുടെ തീരുമാനം. ഇതിന്റെ ഭാഗമായി തമിഴ്നാട്ടിലെ ചെങ്കല്പേട്ടയിലെ സര്ക്കാര് ആശുപത്രികയില് രോഗികള്ക്കായി ഐസൊലേഷന് ഒരുക്കും. ചെന്നൈയിലേയും ഡല്ഹിയിലേയും ആശുപത്രികളില് അടിയന്തര ചികിത്സയ്ക്കുള്ള ഉപകരണങ്ങള് എത്തിക്കുമെന്നും കമ്പനി അറിയിച്ചിട്ടുണ്ട്. ഇവിടങ്ങളിലെ ആരോഗ്യ പ്രവര്ത്തകരുടെ സുരക്ഷ ഉറപ്പാക്കുന്നതിനുള്ള സുരക്ഷാ ഉപകരണങ്ങള് നല്കാനും കമ്പനി നടപടി സ്വീകരിക്കുന്നുണ്ടെന്നും ഭക്ഷ്യ ക്ഷാമം അനുഭവിക്കുന്ന ജനങ്ങള്ക്ക് ആഹാരം നല്കാനുള്ള നടപടികള് പുരോഗമിക്കുയാണെന്നും കമ്പനി വ്യക്തമാക്കി.
കൊറോണ വൈറസ് വ്യാപനം തടയുന്നതിനായും സാമൂഹ്യ അകലം പാലിക്കുന്നതിനുമായും രാജ്യത്തെ ബിഎംഡബ്ല്യുവിന്റെ പ്ലാന്റുകള് അടച്ചിട്ടിരിക്കുകയാണ്.
