ചണ്ഡിഗഡ്: കൊറോണ വൈറസ് വ്യാപനം തടയാനായി രാജ്യത്ത് ലോക്ക് ഡൗണ് പ്രഖ്യാപിച്ചിരിക്കുകയാണ്. ലോക്ക് ഡൗണില് ബുദ്ധിമുട്ട് അനുഭവിക്കുന്ന ജനങ്ങളെ സഹായിക്കാന് നിരവധി പേരാണ് രംഗത്തെത്തുന്നത്. സര്ക്കരിനും ജനങ്ങള്ക്കും പിന്തുണ നല്കി കൊണ്ട് വിവിധ വാഹന നിര്മ്മാണ കമ്പനികളും രംഗത്തെത്തുന്നുണ്ട്. അത്തരത്തില് ലോക്ക് ഡൗണില് ദുരിതമനുഭവിക്കുന്ന രാജ്യത്തെ ജനങ്ങള്ക്ക് ഭക്ഷണം എത്തിച്ചു നല്കിയിരിക്കുകയാണ് രാജ്യത്തെ ഏറ്റവും വലിയ കാര് നിര്മ്മാതാക്കളായ മാരുതി സുസുക്കി.
ഹരിയാനയിലെ നിര്മ്മാണ ശാലകളുടെ പരിസരത്ത് താമസിക്കുന്നവര്ക്കാണ് മാരുതി ഭക്ഷണം നല്കിയത്. കഴിഞ്ഞ ആഴ്ച്ചകളിലായി 1.20 ലക്ഷത്തിലേറെ ഭക്ഷണ പൊതികള് വിതരണം ചെയ്തുവെന്നാണ് കമ്പനി വ്യക്തമാക്കുന്നത്. സമീപവാസികള്ക്ക് ഭക്ഷ്യോപകരണ കിറ്റുകളും കമ്പനി ലഭ്യമാക്കിയിട്ടുണ്ട്.
ഗുരുഗ്രാം പ്രാദേശിക ഭരണകൂടത്തിനായി മുഖാവരണങ്ങളും സുരക്ഷാ ഉപകരണങ്ങളും ലഭ്യമാക്കുന്നുണ്ടെന്നും കമ്പനി അറിയിച്ചു. പ്രാദേശിക ഭരണകൂടവുമായും ഇന്ത്യന് റെഡ് ക്രോസ് സൊസൈറ്റിയുമായും സഹകരിച്ചാണ് കമ്പനി സഹായം നല്കുന്നത്.
