ചെന്നൈ: കാണികളെ കയറ്റാതെ സ്റ്റേഡിയങ്ങളില് മത്സരങ്ങള് നടത്താനില്ലെന്ന് ഇന്ത്യന് ക്രിക്കറ്റ് ബോര്ഡും ഫുട്ബോള് ഫെഡറേഷനും രംഗത്ത്. ലോകം മുഴുവനുള്ള കായിക സംഘടനകള് കൊറോണ വ്യാപനം കുറയുന്ന മുറയ്ക്ക് അടച്ചിട്ട കളിക്കളങ്ങളിലൂടെ തിരിച്ചുവരാനൊരുങ്ങുകയാണ്. എന്നാല് ഇന്ത്യയില് വ്യത്യസ്ത സമീപനം സ്വീകരിക്കു ന്നതിനെതിരെ മുന് ഇന്ത്യന് ഫുട്ബോള് ടീം നായകന് ബയ്ച്ചൂംഗ് ബൂട്ടിയ രംഗത്തെത്തി.
ജര്മ്മനിയിലെ പ്രസിദ്ധമായ ഫുട്ബോള് ലീഗായ ബുന്ദേസ്ലീഗ മെയ് ആദ്യവാരത്തില് അടച്ചിട്ട വേദികളില് നടത്തുമെന്ന് പ്രഖ്യാപിച്ചു കഴിഞ്ഞു. എന്നാല് ജര്മ്മനിയല്ല ഇന്ത്യയെന്നാണ് നിലപാടിനെതിരെ ഗാംഗുലിയുടെ പ്രതികരണം. ഇന്ത്യയിലെ സാമൂഹ്യാന്തരീക്ഷം ഒരു ക്രിക്കറ്റ് മത്സരം നടത്താന് പാകത്തിനായിട്ടില്ല. അടുത്ത ഒരു വര്ഷത്തേക്ക് ഇന്ത്യയില് ക്രിക്കറ്റ് രംഗത്തെ ഒരു മത്സരവും നടത്താനാകുമെന്ന് കരുതുന്നില്ലെന്നും ബിസിസിഐ അദ്ധ്യക്ഷനായ ഗാംഗുലി വ്യക്തമാക്കി.
‘ കാണികള്ക്ക് മുന്നിലല്ലാതെ ഒരു ക്രിക്കറ്റ് മത്സരം എന്നതു തന്നെ തീര്ത്തു വികലമായ ചിന്തയാണ്. ഇതിനെ സംബന്ധിച്ച് നിരവധി വിരുദ്ധ അഭിപ്രായങ്ങള് ഉയരാം. എന്നാല് മനുഷ്യജീവിതങ്ങള് ദുരിതത്തിലായിരിക്കേ ഒരു മത്സരം എന്നതില് താന് അനുകൂ ലിക്കുന്നില്ല’ ഐ.പി.എല് അടക്കം അടുത്ത സമയത്തൊന്നും ലോകത്തൊരിടത്തും ക്രിക്കറ്റ് ഉടന് നടക്കില്ലെന്ന് ഗാംഗുലി വ്യക്തമാക്കി.
ലോകത്തെവിടേയും ഫുട്ബോള് നടക്കാത്തതിനാല് ഇന്ത്യയില് നടക്കുന്ന ഫുട്ബോള് മത്സരങ്ങള്ക്ക് ലോകശ്രദ്ധകിട്ടുമെന്ന അവകാശവാദമാണ് ബൂട്ടിയ മുന്നോട്ട് വച്ചത്. എന്നാല് ഇതിനെ എതിര്ത്തി ഇന്ത്യന് പുട്ബോല് ഫെഡറേഷന് പ്രസിഡന്റ് സുബ്രതോ ദത്ത രംഗത്തെത്തി. കളികള് സംപ്രക്ഷേണം ചെയ്യണമെന്ന് വച്ചാല്തന്നെ കുറഞ്ഞത് നൂറു പേരടങ്ങുന്ന മാദ്ധ്യമപ്രവര്ത്തകര് ക്യാമറകളുമായി വരണം. ഇവരുടെ കൊറോണ പ്രതിരോധം ആര് നിര്വ്വഹിക്കുമെന്ന ചോദ്യമാണ് സുബ്രതോ ഉന്നയിച്ചിരിക്കുന്നത്.
