സിഡ്നി: ഇന്ത്യന് മുന് നായകന് മഹേന്ദ്രസിംഗ് ധോണി ഇന്നും അന്താരാഷ്ട്ര ക്രിക്കറ്റിലെ കരുത്തനാണെന്ന് മുന് ആസ്ട്രേലിയന് ബാറ്റ്സ്മാന് മൈക്ക് ഹസ്സി. ധോണി തന്നെയാണ് നിലവിലെ ഊഹാപോഹങ്ങള്ക്ക് മറുപടി പറയേണ്ടതെന്നും ഹസ്സി പറഞ്ഞു. ഇത്തവണത്തെ ഐ.പി.എല് മുടങ്ങിയതിലൂടെ ധോണിക്ക് ഇനി ഒരു അന്താരാഷ്ട്ര ക്രിക്കറ്റ് ഭാവിയില്ലെന്ന ചര്ച്ചകള്ക്കിയെടാണ് ചെന്നൈ സൂപ്പര് കിംഗ്സ് സഹതാരം കൂടിയായ മൈക്ക് ഹസ്സിയുടെ പിന്തുണ.
ഐ.പി.എല്ലിന്റെ പുതിയ സീസണിലെ ബാറ്റിംഗ് പരിശീലകന് എന്ന നിലയിലാണ് മൈക്ക് ഹസ്സി ഇന്ത്യയിലേക്ക് എത്താനിരുന്നത്. ‘ അന്താരാഷ്ട്ര ക്രിക്കറ്റിന് ധോണി ഇന്നും ശാരീരികമായി മികച്ച നിലയിലാണ്. എന്നാല് ധോണി തന്നെയാണ് ഇതിന് ഉത്തരം നല്കേണ്ടത്. ‘സൂപ്പര് കിംഗ്സിന്രെ ഇന്സ്റ്റാഗ്രാം പേജിലാണ് ഹസ്സി അഭിപ്രായം രേഖപ്പെടുത്തിയത്.
ചെന്നൈ സൂപ്പര് കിംഗ്സിന്റെ ബാറ്റിംഗ് നിരയില് ധോണിക്കും മുരളീ വിജയിനുമാണ് ഹസ്സി മാര്ക്ക് നല്കുന്നത്. എന്നാല് ധോണിയുടെ കരുത്ത് ബാറ്റിംഗില് പലര്ക്കുമില്ലെന്നും ഹസ്സി ചൂണ്ടിക്കാട്ടി. ഇത്രയും കണക്കുകൂട്ടലുകളുള്ള ഒരു താരത്തെ കണ്ടിട്ടില്ല. ഒരു കളി വേഗം നിര്ത്താനും കുറച്ചുകൂടി നേരം നീട്ടാനും ധോണി കണ്ടെത്തുന്ന ന്യായങ്ങള് ചിലപ്പോള് ഒരു പുതിയ ബൗളര്ക്ക് അവസരം നല്കാനായിരിക്കും’ ഹസ്സി ചൂണ്ടിക്കാട്ടി.