ലണ്ടന്: കൊറോണ ബാധയെ തുടര്ന്ന് ഇംഗ്ലണ്ടും വെസ്റ്റിന്ഡീസും തമ്മില് നടക്കേണ്ടിയിരുന്ന ടെസ്റ്റ് പരമ്പര മാറ്റിവച്ചു. പുതുക്കിയ തീയതി രാജ്യത്തെ പൊതു അന്തരീക്ഷം സുരക്ഷിത മായാല് മാത്രമെന്ന് ഇംഗ്ലണ്ട് ആന്റ് വെയില്സ് ക്രിക്കറ്റ് ബോര്ഡ് അറിയിച്ചു.
മുന് നിശ്ചയപ്രകാരം ജൂലൈ 17നായിരുന്നു പരമ്പര ആരംഭിക്കാനിരുന്നത്. എന്നാല് ഇംഗ്ലണ്ടിലെ പ്രാദേശിക ലീഗുകള് മെയ്മാസം അവസാനം തുടങ്ങുമെന്നാണ് പുതിയ തീരുമാനം.
ഇംഗ്ലണ്ടും വിന്ഡീസുമായി മൂന്ന് ടെസ്റ്റുകളുടെ പരമ്പരയാണ് തീരുമാനിച്ചിരുന്നത്. തുടര്ന്ന് ലണ്ടനിലേക്കുള്ള ഓസ്ട്രേലിയ, പാകിസ്താന്, അയര്ലന്റ് എന്നീ ടീമുകളുടെ സന്ദര്ശനവും തീരുമാനിച്ചിരുന്നു. പുതിയ തീരുമാന പ്രകാരം എല്ലാ പരമ്പരകളും വര്ഷാവസാനത്തേക്ക് നീങ്ങാനാണ് സാധ്യതയെന്നും ക്രിക്കറ്റ ബോര്ഡ് വ്യക്തമാക്കി.
