കറാച്ചി: പാകിസ്താന് ക്രിക്കറ്റ് താരം ഉമര് അക്മലിന് മൂന്ന് വര്ഷത്തേക്ക് അന്താരാഷ്ട്ര ക്രിക്കറ്റില് നിന്നും വിലക്കി. ക്രിക്കറ്റ് രംഗത്ത അഴിമതി ആരോപണത്തെ തുടര്ന്നാണ് പിസിബി വിലക്ക് ഏര്പ്പെടുത്തിയത്. കഴിഞ്ഞ ഒരു വര്ഷമായി അക്മല് അന്വേഷണം നേരിടുകയായിരുന്നു. മികച്ച ബാറ്റ്സ്മാനായി പേരെടുത്ത ഉമര് അക്മലിന്റെ സഹോദരന് കമ്രാന് അക്മലും അന്താരാഷ്ട്രക്രിക്കറ്റിലെ മികച്ച ബാറ്റ്സ്മാനും വിക്കറ്റ് കീപ്പറുമായിരുന്നു.
ഉമര് അക്മലിനെ പുറത്താക്കിയവിവരം പിസിബി അച്ചടക്ക സമിതി അധ്യക്ഷന് റിട്ട. ജസ്റ്റിസ് ഫസല് ഇ മിറാന് ചൗഹാനാണ് പ്രഖ്യാപിച്ചത്.’ അന്താരാഷ്ട്ര ക്രിക്കറ്റിലെ എല്ലാതരം മത്സരങ്ങളില് നിന്നും അക്മലിനെ ഒഴിവാക്കിതായി പ്രഖ്യാപിക്കുന്നു. പിസിബിയുടെ അച്ചടക്ക നിയമമനുസരിച്ച് രണ്ടു സംഭവങ്ങളുടെ തെളിവുകളുടെ അടിസ്ഥാനത്തിലാണ് നടപടി.’ പിസിബി അറിയിച്ചു.
കഴിഞ്ഞ ഫബ്രുവരി 20 മുതല് തന്നെ അക്മലിനെ ക്രിക്കറ്റില് നിന്നും മാറ്റിനിര്ത്തിയി രിക്കുകയായിരുന്നു. ആരോഗ്യപരിശോധനയുമായി ബന്ധപ്പെട്ട് ക്രിക്കറ്റ് ബോര്ഡിലെ ചുമതലക്കാരനുമായി അക്മലിന്റെ മോശം പെരുമാറ്റം പിസിബിയുടെ ശ്രദ്ധയില്പെട്ടതും പുറത്തേക്കുള്ള വഴിതുറക്കലിന് കാരണമായതായും പാക് മാദ്ധ്യമങ്ങള് റിപ്പോര്ട്ട് ചെയ്യുന്നു.
