പാല്ഖര്: മഹാരാഷ്ട്രയിലെ പാല്ഖറില് ഹിന്ദുസന്യാസിമാരെ ആള്ക്കൂട്ടം ആക്രമിച്ച് കൊലപ്പെടുത്തിയ സംഭവത്തില് സ്ഥലത്തെ 35 പോലീസുകാരെ ഉറ്റയടിക്ക് സ്ഥലം മാറ്റി ഉദ്ധവ് താക്കറെ മുഖംരക്ഷിക്കാനുള്ള ശ്രമത്തില്. കേന്ദ്ര ആഭ്യന്തര വകുപ്പിന്റെ അന്വേഷണം ശക്തമായതോടെയാണ് ശിവസേന-കോണ്ഗ്രസ്സ്-എന്സിപി സഖ്യം ശക്തമായ നടപടി എടുക്കാന് നിര്ബന്ധിതമായത്.
കഴിഞ്ഞ ദിവസം സന്യാസിമാരുടെ കൊലപാതകത്തിലേക്ക് നയിച്ച സംഭവങ്ങളും പ്രദേശത്തെ ദുരൂഹതകളും ദേശീയ അന്വേഷണ ഏജന്സിയെക്കൊണ്ട് അന്വേഷിപ്പി ക്കണമെന്ന വാദം ശകതമായിരുന്നു. ഇതിനായി മുംബൈ ഹൈക്കോടതിയില് ഹര്ജി നല്കിയതിന് പിന്നാലെയാണ് മഹാരാഷ്ട്രാ പോലീസിന്റെ നടപടി. മുംബൈയിലെ അഭിഭാഷകനായ ഘനശ്യാം ഉപാധ്യായയാണ് ഹര്ജി നല്കിയത്. പാല്ഖര് സംഭവവുമായി ബന്ധപ്പെട്ട വിവരങ്ങള് കേന്ദ്ര സര്ക്കാറും പാല്ഖര് എസ്.പിയും നേരിട്ട് ബോധിപ്പിക്കാന് കോടതി നിര്ദ്ദേശിക്കണമെന്നും ഹര്ജിയില് ചൂണ്ടിക്കാട്ടുന്നു.
സംഭവവുമായി ബന്ധപ്പെട്ട് കണ്ടാലറിയാവുന്ന 110 പേരെ കസ്റ്റഡിയിലെടുത്തിരുന്നു. ഇഥില് 9 പേര് പ്രായപൂര്ത്തിയാകാത്ത കുട്ടികളാണെന്നും പോലീസ് അറിയിച്ചു.സന്യാസിമാരായ രണ്ടുപേരും ഡ്രൈവറുമടക്കം കണ്ടിവാലിയില് നിന്നും പാല്ഖര് മേഖലയിലൂടെ ഗുജറാത്തിലേക്ക് പോകുന്ന വഴിക്കാണ് ആള്ക്കൂട്ടം വണ്ടി തടഞ്ഞ് ആക്രമണം നടത്തിയത്.