കൊച്ചി: കൊറോണ പ്രതിരോധ പ്രവർത്തകരെ കൊച്ചിയിൽ നാളെ നാവിക സേന ആദരിക്കും.കേന്ദ്ര പ്രതിരോധമന്ത്രാലയത്തിന്റേയും മുഴുവന് സേനകളുടേയും സംയുക്തമായ തീരുമാനപ്രകാരമാണ് എല്ലാ സംസ്ഥാനത്തും സൈനിക വിഭാഗങ്ങള് കൊറോണ പ്രതിരോധപ്രവര്ത്തകരെ ആദരിക്കുന്നത്. നാളെ മെയ് മാസം 3-ാം തീയതിയാണ് മൂന്നു സേനകളുടേയും കേന്ദ്രങ്ങളില് ആദരിക്കല് നടക്കുക.
#India Salutes #CoronaWarriors
The Nation is proud of #CoronaWarriors.All citizens & frontline warriors salute their Spirit & Resolve to defeat COVID19.
Together we fight #COVID19
#ThankYou #CaronaWarriors#हरकामदेशकेनाम#SayNo2Panic#SayYes2Precautions#MoDAgainstCorona pic.twitter.com/FylNuQMyGT
— SpokespersonNavy (@indiannavy) May 2, 2020
കേരളത്തിലെ നാവിക സേന എറണാകുളത്താണ് ചടങ്ങ് നടത്തുക. സതേണ് നേവല് കമാന്റിലെ സൈനികര് എറണാകുളം ജില്ലാ ആശുപത്രി സന്ദര്ശിക്കും. ജില്ലയെ കൊറോണ മുക്തമാക്കി ഗ്രീന് സോണിലേക്കെത്തിച്ച ജില്ലാ ഭരണകൂടം, ജില്ലാ ആരോഗ്യവകുപ്പധികൃതര്, പോലീസുദ്യോഗസ്ഥര്, ജില്ലാ ആശുപത്രിയിലെ ആരോഗ്യപവര്ത്തകര് എന്നിവരെ ആദരിക്കും. ആശുപത്രിക്ക് മുന്നില് വാദ്യങ്ങളോട് കൂടിയ ചടങ്ങാണ് നടത്തുക. ചേതക് ഹെലികോപ്റ്റര് ആശുപത്രികള്ക്ക് മുകളിലൂടെ പറന്ന് പഷ്പവൃഷ്ടി നടത്തും. തുടര്ന്ന് രാവിലെ 10.30ന് എറണാകുളും മറൈന് ഡ്രൈവില് ഡോണിയര്, സീ കിംഗ്, അഡ്വാന്സ്ഡ് ലൈറ്റ് വെയിറ്റ് ഹെലികോപ്റ്റര് എന്നിവയുടെ അഭ്യാസപ്രകടനങ്ങൾ നടത്തുമെന്നും നാവികസേന അറിയിച്ചു. ഇതിനോടൊപ്പം സമുദ്രത്തില് അതിവേഗ തിരച്ചില് ബോട്ടുകളുടെ പ്രകടനങ്ങൾ നടത്തുമെന്ന് തീരസംരക്ഷണ സേനയും അറിയിച്ചു.
വൈകിട്ട് 7.30ന് നാവികസേനയുടേയും തീരസംരക്ഷണ സേനയുടേയും കപ്പലുകള് അണിനിരന്ന് വൈദ്യുത ദീപാലങ്കാരവും കരിമരുന്ന് പ്രയോഗവും നടത്തുമെന്നും സേനാ വക്താവ് അറിയിച്ചു. ഇതിനൊപ്പം തുറമുഖത്ത് നങ്കൂരമിട്ടിരിക്കുന്ന യുദ്ധകപ്പലുകളില് നിന്നുകൊണ്ട് സൈന്യത്തിന്റെ വൃന്ദവാദ്യ സംഗീതവും കൊറോണ പോരാളികള്ക്ക് ആദരമർപ്പിച്ച് കൊണ്ട് സമർപ്പിക്കും