സിഡ്നി: ലോക ക്രിക്കറ്റിലെ മികച്ച ബാറ്റ്സ്മാന് ആരെന്ന ചോദ്യത്തിന് മുന് ഓസ്ട്രേലിയന് നായകന് തിരഞ്ഞെടുത്തത് ഇന്ത്യന് നായകന് വിരാട് കോഹ് ലിയെ. സ്വന്തം നാട്ടിലെ സൂപ്പര് ബാറ്റ്സ്മാനായ സ്റ്റീവ് സ്മിത്തിനേക്കാള് മിടുക്കന് വിരാടാണെന്ന് പറഞ്ഞത് ഇയാന് ചാപ്പലാണ്. നിലവിലെ മൂന്ന് തലത്തിലും വിരാടാണ് ലോക ക്രിക്കറ്റിലെ മികച്ച ബാറ്റ്സ്മാനെന്നതില് ഒരു സംശയവും വേണ്ടെന്നാണ് ചാപ്പലിന്റെ വാദം.
‘ വിരാടിന്റെ ഏകദിനത്തിലേയും ടി20യിലേയും ബാറ്റിംഗ് ശരാശരി ഒരു സാധാരണ താരത്തിന്റേതല്ല. അയാളുടെ പ്രകടനം അതിശയകരമാണ്. മൂന്ന് വിഭാഗത്തിലും വിരാട് കോഹ്ലി തന്നെയാണ് മികച്ച താരം’ ചാപ്പല് വ്യക്തമാക്കി.
സ്റ്റീവ് സ്മിത്തും കോഹ് ലിയും തമ്മിലുള്ള പോരാട്ടം ഈ സീസണില് തന്നെ കാണാനിരിക്കെ മികച്ചതാരങ്ങളുടെ ഏറ്റുമുട്ടല് കാണാന് അവസരമുണ്ടല്ലൊ എന്ന അഭിപ്രായമാണ് മുന് നായകന്റേത്. ഏതായും ഓസ്ട്രേലിയന് ക്രിക്കറ്റിനെ സംബന്ധിച്ച് സ്മിത്തും വാര്ണറും നിര്ണ്ണായകമാണെന്ന് ചാപ്പല് ഉറച്ചു വിശ്വസിക്കുകയാണ്. ഇന്ത്യക്ക് ഇവരെ നേരത്തേ പുറത്താക്കാനാക്കിയാല് മാത്രമേ കളി ജയിപ്പിക്കാനാകൂ എന്നും ചാപ്പല് മുന്നറിയിപ്പ് നല്കി.
1985ലെ ഇന്ത്യന് ടീം ഏറ്റവും മികച്ചതായിരുന്നുവെന്ന രവിശാസ്ത്രിയുടെ പ്രസ്താവനയേയും ചാപ്പല് പിന്തുണച്ചു.നിലവിലുള്ള പരിശീലന സൗകര്യങ്ങളും മറ്റ് സംവിധാനങ്ങളും വച്ച് നോക്കുമ്പോള് 1985ലെ താരങ്ങളെ ഇന്നത്തെക്കാലത്തേക്ക് ചിന്തിച്ചാല് അവര് കരുത്തുറ്റവരാണെന്ന് തന്നെ തനിക്ക് പറയേണ്ടിവരുമെന്നാണ് ചാപ്പല് മറുപടി പറഞ്ഞത്.
