കൊറോണ വൈറസ് എന്ന പേര് നമുക്ക് പരിചിതമായിട്ട് അധികകാലം ആയിട്ടില്ല. ഏറെ ആശങ്കകള് സൃഷ്ടിച്ചു കൊണ്ടാണ് കൊറോണ എന്ന മഹാമാരി നമുക്കിടയിലേക്കെത്തിയത്. രോഗ പ്രതിരോധ ശേഷി കുറഞ്ഞവരില് വൈറസ് ബാധയേല്ക്കാന് സാധ്യത കൂടുതലാണെന്ന് അറിഞ്ഞതോടെ രോഗപ്രതിരോധ ശേഷി വര്ധിപ്പിക്കാനുള്ള ശ്രമത്തിലായിരുന്നു എല്ലാവരും. നാം കഴിക്കുന്ന ഭക്ഷണങ്ങളിലൂടെ നേടി എടുക്കുന്ന കഴിവാണ് രോഗപ്രതിരോധ ശേഷി. രോഗപ്രതിരോധ ശേഷി വര്ധിപ്പിക്കാന് സഹായിക്കുന്ന ഭക്ഷ്യ വര്ഗങ്ങള് എന്തൊക്കെയാണെന്ന് നോക്കാം.
1. നെല്ലിക്ക
രോഗപ്രതിരോധ ശേഷി വര്ധിപ്പിക്കാന് കഴിക്കേണ്ട പ്രധാന ഭക്ഷണങ്ങളിലൊന്നാണ് നെല്ലിക്ക. നെല്ലിക്കയില് അടങ്ങിയിരിക്കുന്ന വിറ്റാമിന് സി ആണ് രോഗ പ്രതിരോധ ശേഷി വര്ധിപ്പിക്കാന് സഹായിക്കുന്നത്. കാത്സ്യം, അയണ് എന്നിവയാല് സമ്പന്നമായ നെല്ലിക്ക ആരോഗ്യ സംരക്ഷണത്തിനും നല്ലതാണ്.
2. ഗ്രീന് ടീ
രോഗപ്രതിരോധ ശേഷി വര്ധിപ്പിക്കാനും ചെരുപ്പം നിലനിര്ത്താനുമെല്ലാം വളരെയേറെ സഹായകരമായ ഒന്നാണ് ഗ്രീന് ടീ. ദിവസേന ഗ്രീന് ടീ കുടിക്കുന്നവരില് മറ്റ് ആരോഗ്യ പ്രശ്നങ്ങള് ഒന്നുമില്ലെങ്കില് രോഗങ്ങളെ ചെറുക്കാനുള്ള കഴിവ് കൂടുതലായിരിക്കുമെന്നാണ് പറയപ്പെടുന്നത്. ജലദോഷം, പനി, എന്നീ രോഗങ്ങള് അകറ്റാനും ഗ്രീന് ടീ സഹായിക്കും.
3. തേന്
രോഗപ്രതിരോധ ശേഷി വര്ധിപ്പിക്കാന് സഹായിക്കുന്ന മറ്റൊരു പ്രകൃതിദത്തമായ സ്രോതസാണ് തേന്. അനേകം ആരോഗ്യ ഗുണങ്ങള് തേനില് അടങ്ങിയിട്ടുണ്ട്. പഞ്ചസാരയ്ക്ക് പകരം തേന് ഉപയോഗിച്ച് ശീലിക്കുകയാണെങ്കില് അത് രോഗ പ്രതിശേഷി വര്ധിപ്പിക്കും. തേനിലുള്ള ആന്റി ബാക്ടീരിയല് ഗുണങ്ങളും ആന്രി ഓക്സിഡന്റുകളുമാണ് രോഗപ്രതിരോധ ശേഷി വര്ധിപ്പിക്കാന് സഹായിക്കുന്നത്.
വൈറസുകള്, ഫംഗസ്, ബാക്ടീരിയകള് എന്നിവ മൂലമുണ്ടാകുന്ന അണുബാധകളെ ചെറുക്കാനും തേന് സഹായിക്കും.
4. ഇഞ്ചി
നിരവധി ആരോഗ്യ പ്രശ്നങ്ങള്ക്ക് ഉള്ള പ്രതിവിധിയാണ് ഇഞ്ചി. ആന്റി ഓക്സിഡന്റുകളാല് സമ്പന്നമായ ഇഞ്ചി രോഗ പ്രതിരോധ ശേഷി വര്ധിപ്പിച്ച് ശരീരത്തെ ആരോഗ്യത്തോടെ കാക്കുന്നു. ജലദോഷം, തൊണ്ടവേദന എന്നീ അസുഖങ്ങള് അകറ്റാനും ഇഞ്ചി സഹായിക്കും.
5. തുളസി
പനി, ജലദോഷം, തൊണ്ടവേദന, ചുമ തുടങ്ങിയ രോഗങ്ങള്ക്ക് ഉള്ള ഏറ്റവും മികച്ച പ്രകൃതിദത്ത ഔഷധമാണ് തുളസി. ആന്റി ബാക്ടീരിയല്, ആന്റി ഫംഗല് ഗുണങ്ങളാല് സമ്പന്നമാണ് തുളസി. ശ്വാസകോശ രോഗങ്ങളെ പ്രതിരോധിക്കാനും തുളസിയ്ക്ക് കഴിവുണ്ട്.