മുംബൈ: കൊറോണ പ്രതിരോധ പ്രവര്ത്തനങ്ങള് തുടരുന്നതിനിടെ ഇന്ത്യന് താരം വ്യക്തിഗത പരിശീലനത്തിനിറങ്ങിയതിനെതിരെ ബി.സി.സി.ഐ. കായിക താരങ്ങള്ക്കെല്ലാം കൃത്യമായ നിര്ദ്ദേശങ്ങളും മാനദണ്ഡങ്ങളും എത്തും മുമ്പേ പരിശീലനത്തിനിറങ്ങിയതാണ് ക്രിക്കറ്റ് ബോര്ഡിനെ ചൊടിപ്പിച്ചത്. ഇന്ത്യന് താരമായ ഷാര്ദ്ദൂല് ഠാക്കൂറിന്റെ നടപടിക്കെതിരെയാണ് ക്രിക്കറ്റ് ബോര്ഡ് പ്രതികരിച്ചത്. എല്ലാ മുന്കരുതലും എടുത്താണ് ഷാര്ദ്ദൂല് മൈതാനത്തിറങ്ങിയതെന്നാണ് താരം അറിയിച്ചത്.
ബി.സി.സി.ഐയുമായി കരാറുള്ള ഷാര്ദ്ദൂല് ബോര്ഡിനെ അറിയിക്കാതെയാണ് പരിശീലനത്തിനിറങ്ങിയതെന്നാണ് പരാതി. വീടിന് പുറത്ത് പരിശീലനത്തിന് ഇറങ്ങുന്ന ആദ്യതാരമാണ് ഷാര്ദ്ദൂല്. മഹാരാഷ്ട്രയുടെ താരം തന്നെയായ ഷാര്ദ്ദൂല് റെഡോ സോണിലല്ലാത്ത പാല്ഘറിലെ ജില്ലാ സ്പോര്ട്ട്സ് മൈതാനത്താണ് പരിശീലന ത്തിനിറങ്ങിയത്. ബൗളിംഗ് പരിശീലനത്തില് ഐ.സി.സി മാനദണ്ഡമനുസരിച്ച് തുപ്പലുപയോഗിച്ചിട്ടില്ലെന്നും ഷാര്ദ്ദൂല് വ്യക്തമാക്കി. ഇന്ത്യയുടെ പ്രധാന താരങ്ങളായ നായകന് വിരാട് കോഹ് ലിയും ഗോരിത് ശര്മ്മയും ശ്രേയസ്സ് അയ്യരും നിലവില് മുംബൈയിലുണ്ടെങ്കിലും മൈതാനത്ത് പരിശീലനത്തിനായി ഇറങ്ങിയിട്ടില്ല. നിലവില് കൊറോണ മഹാരാഷ്ട്രയില് വ്യാപകമായതിനാലാണ് മുംബൈ പരിശീലനത്തില് ബി.സി.സി.ഐ അനുവാദം വൈകുന്നത്.