മുംബൈ: ധോണിയുടെ വിരമിക്കല് ചര്ച്ചകളില് കാശുവാരി സമൂഹമാദ്ധ്യമങ്ങള്. ഇന്ത്യന് ക്രിക്കറ്റ് മുന് നായകന് മഹേന്ദ്ര സിംഗ് ധോണി ക്രിക്കറ്റില് നിന്നും സ്വയം വിരമിച്ചെന്ന വാര്ത്തയാണ് ട്വിറ്ററില് പ്രചരിക്കുന്നത്. ആരാധകരും വാര്ത്ത പ്രചരിപ്പിച്ചവരും തമ്മിലുള്ള വാക്പോരാണ് ട്വിറ്ററിന് ഗുണമാകുന്നത്.
Waking up to see #DhoniNeverTires trending🥺He never tires and will be back soon 💙 pic.twitter.com/tux8xUjtVb
— 🦄 (@SuperMaan__) May 28, 2020
ധോണിയുടെ ഭാര്യ സാക്ഷി സിംഗിന്റെ രോഷം സമൂഹമാദ്ധ്യമങ്ങളിലൂടെ വൈറലായിരുന്നു. ധോണി റിട്ടയേഴ്സ് എന്ന ഹാഷ് ടാഗില് സാക്ഷിയുടെ പ്രതികരണം ട്വിറ്ററിലും വലിയ ട്രെന്ഡായിരുന്നു. ഇതിന് പിന്നാലെയാണ് ധോണി ഒരിക്കലും തളരില്ല എന്ന മറുപടി ഹാഷ് ടാഗുമായി ധോണി ആരാധകര് രംഗത്തെത്തിയത്.
ധോണിയുടെ വിരമിക്കല് വാര്ത്തകള് വെറും ഊഹാപോഹങ്ങള് മാത്രമാണെന്നും ജനങ്ങള്ക്ക് മാനസികനില തെറ്റിയിരിക്കുകയാണെന്നുമുള്ള സാക്ഷിയുടെ രൂക്ഷ പ്രതികരണം ഇന്നലെ വലിയ ട്രെന്ഡായിരുന്നു. മണിക്കൂറുകള്ക്കുള്ളില് സ്വയം സാക്ഷി തന്നെ അത് ഡിലീറ്റ് ചെയ്തതും വാര്ത്തയായി. ദേശീയമാദ്ധ്യമങ്ങള് ട്വീറ്റിന്റെ ഫോട്ടോ അടക്കമാണ് വാര്ത്തയാക്കിയത്. ഇതിന് പിന്നാലെയാണ് ആരാധകര് അടുത്ത ഹാഷ് ടാഗുമായി ധോണിക്ക് പിന്തുണയര്പ്പിച്ച്് എത്തിയത്. ഏതായാലും ധോണിക്കെതിരേയും അനുകൂലമായും വരുന്ന ട്വീറ്റുകളെല്ലാം ട്വിറ്ററിന് പണം വാരാനുള്ള അവസരമായി മാറിക്കഴിഞ്ഞെന്നും ദേശീയമാദ്ധ്യമങ്ങള് റിപ്പോര്ട്ട് ചെയ്യുകയാണ്.