മാഡ്രിഡ്: ലോകടെന്നീസ് രംഗത്തെ ടൂര്ണ്ണമെന്റുകള് ഉടന് തുടങ്ങുമെന്ന വിശ്വാസം തനിക്കില്ലെന്ന് റാഫേല് നദാല്. നിലവിലെ കൊറോണ വ്യാപനരീതി കണ്ടിട്ടാണ് നദാല് തന്റെ നിരാശ പ്രകടമാക്കിയത്. ഏറ്റവും കുറഞ്ഞത് ജൂലൈ മാസം അവസാനമെങ്കിലും തുടങ്ങാനാകുമെന്ന പ്രതീക്ഷ പലരും പങ്കുവയക്കുന്നത് കേട്ടു. എന്നാല് വിവിധ രാജ്യങ്ങളില് നിന്നുമുള്ള ഓരോ താരത്തിനും യാത്രചെയ്യാനുള്ള അന്തരീക്ഷം ഇല്ലാതെ ഏതു ടൂര്ണ്ണമെന്റാണ് നടത്താവുകയെന്നും നദാല് ചോദിച്ചു.
പല താരങ്ങളും വീടുകളില് ഇരിക്കുന്നത് തന്റേതല്ലാത്ത കാരണങ്ങളാലാണ്. അതിനാല് എല്ലാവരുടെ മനസ്സിലും ഒരു സുരക്ഷിതത്വ ബോധം ഉണ്ടായാലേ ഇനി കളികള് പുനരാരംഭിക്കുന്നതില് അര്ത്ഥമുള്ളുവെന്നും നദാല് പറഞ്ഞു. 19 തവണ ഗ്രാന്റ്സ്ലാം കിരീടം നേടിയ നദാല് സെപ്തംബറിലെ ഫ്രഞ്ച് ഓപ്പണിനായി കാത്തിരിക്കുകയാണ്. എന്നാല് ആഗസ്റ്റ് മാസത്തില് യു.എസ്. ഓപ്പണിനായി ന്യൂയോര്ക്കിലേക്ക് പോകാനുള്ള സാധ്യത നദാല് തള്ളി.
