എൻ.ഐ.എ കേസിൽ ദേവീന്ദർ സിംഗിന് ‌ജാമ്യമില്ല

ന്യൂഡൽഹി : ഭീകരരെ കടത്തിയ കേസിൽ അറസ്റ്റിലായി ജയിലിൽ കഴിയുന്ന മുൻ ഡിഎസ്‌പി ദേവീന്ദർ സിംഗിന് ജാമ്യം ലഭിച്ചില്ല.ദേവീന്ദർ സിംഗിനെതിരെ ശക്തമായ തെളിവുകളുണ്ടെന്നും ഇത് കോടതിയിൽ ഹാജരാക്കുമെന്നും ദേശീയ അന്വേഷണ ഏജൻസി വ്യക്തമാക്കി.

നേരത്തെ ഭീകരാക്രമണത്തിന് പദ്ധതിയിട്ടു എന്ന മറ്റൊരു കേസിൽ ദേവീന്ദർ സിംഗിന് ജാമ്യം ലഭിച്ചിരുന്നു. ഇത് ഡൽഹി പൊലീസ് അന്വേഷിച്ചിരുന്ന കേസാണ്. ഭീകരരെ കടത്തിയ സുപ്രധാന കേസ് നിലവിൽ അന്വേഷിക്കുന്നത് ദേശീയ അന്വേഷണ ഏജൻസിയാണ്. ഈ കേസിൽ ജാമ്യം ലഭിക്കാത്തതിനാൽ ദേവീന്ദർ സിംഗിന് പുറത്തിറങ്ങാൻ കഴിയില്ല.

ഡൽഹി പൊലീസ് ഫയൽ ചെയ്ത മറ്റൊരു കേസിലാണ് ദേവീന്ദർ സിംഗിന് ജാമ്യം ലഭിച്ചിട്ടുള്ളത്. ദേവീന്ദർ സിംഗിനെതിരെയുള്ള പ്രധാനപ്പെട്ട കേസിൽ ജൂലൈ ആദ്യവാരം തന്നെ കുറ്റപത്രം സമർപ്പിക്കുമെന്ന് എൻ.ഐ.എ വ്യക്തമാക്കിയിട്ടുണ്ട്.

Delhi Police had arrested Davinder Singh in a separate case. He continues to be in judicial custody in NIA case. Investigation is in full swing in NIA case and a chargesheet will be filed against Davinder Singh and other accused persons in the first week of July, 2020. https://t.co/ubvmAl80tX

— NIA India (@NIA_India) June 19, 2020