മാഡ്രിഡ്: സ്പാനിഷ് ലീഗില് ബാഴ്സയ്ക്ക് തിരിച്ചടി. സെവിയ ബാഴ്സയെ ഗോള്രഹിത സമനിലയില് തളക്കുകയായിരുന്നു. ഇതോടെ വെറും രണ്ട് പോയിന്റുകളുടെ വ്യത്യാസത്തിലുളള റയലിന് വീണ്ടും കിരീട പ്രതീക്ഷ നല്കിയിരിക്കുകയാണ്.
സെവിയയെ ശക്തമായ പ്രതിരോധമാണ് ബാഴ്സയുടെ എല്ലാ പ്രതീക്ഷകളേയും തകര്ത്തത്. ഏതു പ്രതിരോധവും തര്ക്കുന്ന ലയണ്മെസ്സിയെ സെവിയ താരങ്ങള് ശരിക്കും പൂട്ടി. ആദ്യപകുതിയില് മെസ്സിയുടെ ഫ്രീകിക്ക് പോസ്റ്റിന് തൊട്ടുമുകളിലൂടെ കടന്നുപോയത് സെവിയക്ക് നേട്ടമായി. പ്രതിരോധത്തിലേക്ക് അഞ്ചുപേരെ നിര്ത്തിയാണ് ബാഴ്സക്കെതിരെ സെവിയ കളിച്ചത്. അതേസമയം കിട്ടിയ പല അവസരവും ബാഴ്സ കളഞ്ഞു കുളിച്ചു. 76-ാം മിനിറ്റില് മുന്നിര താരം അന്റോണിയോ ഗ്രീസ്മാന് ഇറങ്ങിയിട്ടും ബാഴ്സയ്ക്ക് ഗോള് നേടാനായില്ല. ലൂയിസ് സുവാരസിന്റെ മികച്ച ഷോട്ടും പുറത്തുപോയി.
സെവിയയുടെ ഓകാംമ്പോസും മുനീര് ഹദാദിയും നടത്തിയ മികച്ച പ്രതിരോധമാണ് സെവിയക്ക് ഗുണമായത്. ഇതിനിടെ റയലില് നിന്നും സെവിയയിലെത്തിയ സെര്ജിയേ റെഗൂലിയന് തൊടുത്ത ഷോട്ട് ബാഴ്സയുടെ ടെര് സ്റ്റീഗന് സമര്ത്ഥമായി പുറത്തേക്ക് വിട്ടു. ബാഴ്സയുടെ അടുത്ത മത്സരം അടുത്തയാഴ്ച അത്ലറ്റിക് ബില്ബാവോക്കെതിരെയാണ്. ഒരു ഗോള് കൂടി നേടിയാല് തന്റെ കരിയറിലെ 700-ാം ഗോള് മെസി തികയ്ക്കും.