അന്താരാഷ്‌ട്രാ യോഗാ ദിനം : യോഗാദിനത്തിന്റെ ഭാഗമായി സൈന്യവും രാഷ്‌ട്രപതിയും

ന്യൂഡല്‍ഹി: അന്താരാഷ്‌ട്രയോഗാ ദിനത്തിന്റെ ഭാഗമായി സര്‍വ്വസൈന്യാധിപനായ രാഷ്‌ട്രപതിയും എല്ലാ സൈനിക വിഭാഗങ്ങളും യോഗ പരിശീലനം നടത്തി. രാഷ്‌ട്രപതി രാം നാഥ് കോവിന്ദ് തന്റെ ഔദ്യോഗിക വസതിയിലാണ് യോഗാ പരിശീലനം നടത്തിയത്. “ലോകത്തിന് പൗരാണിക ഭാരതം നല്‍കിയ സമ്മാനമാണ് യോഗ. ഇന്ന് ലോകം മുഴുവന്‍ യോഗയെ ഏറ്റെടുത്തുകഴിഞ്ഞു. ഇന്ത്യയില്‍ ധാരാളം ജനങ്ങള്‍ യോഗയെ നിത്യജീവിത ത്തിന്റെ ഭാഗമാക്കിയതില്‍ വളരെ സന്തോഷമുണ്ടെന്നും” രാംനാഥ് കോവിന്ദ് ആശംസാ സന്ദേശമായി അറിയിച്ചു. അതിരാവിലെ പ്രധാനമന്ത്രി നരേന്ദ്രമോദിയുടെ സന്ദേശത്തോ ടെയാണ് ഇന്ത്യയില്‍ യോഗാദിനത്തിന് തുടക്കമായത്.

രാഷ്‌ട്രപതി രാംനാഥ് കോവിന്ദ് നിന്നുകൊണ്ടുള്ള യോഗാപരിശീലനവും ഇരുന്നുകൊണ്ടുള്ള ധ്യാനപരിശീലനവും നടത്തുന്നതിന്റ ചിത്രങ്ങള്‍ ദേശീയവാര്‍ത്താ ഏജന്‍സി പുറത്തുവിട്ടു. ആയുഷ് മന്ത്രാലയത്തിന്റെ യോഗാപരിശീലന പദ്ധതിയുടെ ക്രമത്തിലുള്ള യോഗാസന രീതികളാണ് രാഷ്‌ട്രപതി പരിശീലിച്ചത്.

Jammu and Kashmir: Indian Army's Jammu Kashmir Light Infantry (JKLI) Battalion performs yoga in Rangreth of Srinagar on #InternationalYogaDay today. pic.twitter.com/SBmofO7yRZ

— ANI (@ANI) June 21, 2020

അതിര്‍ത്തിയില്‍ സംഘര്‍ഷത്തിനിടയിലും സൈന്യത്തിന്റ എല്ലാ വിഭാഗങ്ങളും യോഗാ ദിനത്തിന്റെ ഭാഗമായി. കടുത്ത മഞ്ഞിനകത്ത് നിന്ന് ലഡാക്കില്‍ സൈന്യം യോഗചെയ്യുന്ന ദൃശ്യം രാജ്യം ആവേശത്തോടെയാണ് സ്വീകരിച്ചത്. യോഗാദിനത്തിന്റെ ഭാഗമായി അരുണാചല്‍ പ്രദേശിലെ ഇന്ത്യന്‍ സൈനിക വിഭാഗമായ ഇന്തോ-ടിബറ്റന്‍ ബോര്‍ഡര്‍ പോലീസും കുതിരകളെ ഉള്‍പ്പടെ നിര്‍ത്തിയാണ് യോഗാ പരിശീലനത്തിന്റ ഭാഗമായിരിക്കുന്നത്.