കൊച്ചി: അര്ജ്ജുന അവാര്ഡിനായി ശുപാര്ശചെയ്യാത്തതിനെതിരെ ബാഡ്മിന്റണ് താരം എച്ച്.എസ്. പ്രണോയ് നടത്തിയ പരാമര്ശത്തിന് മാപ്പുപറഞ്ഞു. ദേശീയ ബാഡ്മിന്റണ് അസോ സിയേഷന് നല്കിയ കാരണം കാണിക്കല് നോട്ടീസിന് രേഖാമൂലം നല്കിയ മറുപടി യിലാണ് പ്രണോയ് മാപ്പ് എഴുതി നല്കിയത്. അസോസിയേഷന്റെ അനുമതി ഇല്ലാതെ ബാഴ്സലോണയില് കളിക്കാന് പോയതിനും അര്ജ്ജുന അവാര്ഡ് പരാമര്ശത്തിനും ചേര്ത്താണ് കാരണം കാണിക്കല് നോട്ടീസ് നല്കിയത്. ഇ-മെയിലിലൂടെയാണ് പ്രണോയ് വിശദീകരണം നല്കിയത്. ഏഷ്യന് ടീം ചാമ്പ്യന്ഷിപ്പില് സെമി കളിക്കാതെയാണ് പ്രണോയ് ശ്രീകാന്തിനൊപ്പം ബാഴ്സലോണയില് പോയത്.
ഇത്തവണത്തെ അര്ജ്ജുന അവാര്ഡിനായി താരങ്ങളെ ശുപാര്ശ ചെയ്തതില് തന്റെ പേരില്ലാത്തതിനെ പരാമര്ശിച്ച് പ്രണോയ് സമൂഹമാദ്ധ്യമത്തിലൂടെ പ്രതികരിച്ചിരുന്നു. ഡബിള്സ് താരങ്ങളായ സാത്വിക്, ചിരാഗ്, സിംഗിള്സ് താരമായ സമീര് വെര്മ എന്നിവരെ അസോ സിയേഷന് അര്ജ്ജുന അവാര്ഡിനായി ശുപാര്ശ ചെയ്തിരുന്നു. കോമണ്വെല്ത്തിലും ഏഷ്യന് ചാമ്പ്യന്ഷിപ്പിലും കളിച്ച താനടക്കമുള്ള താരങ്ങളെ തഴഞ്ഞതിനെക്കുറിച്ചാണ് പ്രണോയ് പ്രതികരിച്ചത്. എന്നാല് ഇതിനിടെ അസോസിയേഷന്റെ നടപടിക്ക് മുന്നേ ദേശീയ പരിശീലകന് പി. ഗോപീചന്ദ് മലയാളിതാരം പ്രണോയിയെ നാമനിര്ദ്ദേശം ചെയ്തിരുന്നു.
