മുംബൈ: അമേരിക്കന് സാങ്കേതിക മേഖലകളിലെ വിസ നിരോധനത്തില് പ്രതിഷേധിച്ച് അമേരിക്കയിലേയും ഇന്ത്യയിലേയും ഐ.ടി കമ്പനികള് രംഗത്ത്. ഇന്നലെയാണ് പ്രസിഡന്റ് ട്രംപ് കൊറോണ സാമ്പത്തിക പ്രതിസന്ധി തരണം ചെയ്യാനായി വിസകള് ഒരു വര്ഷത്തേക്ക് റദ്ദാക്കിയത്. അതിവിദഗ്ധ ജോലികള്ക്കായി അനുവദിക്കുന്ന എച്ച്-1ബി വിസയും എല്1 വിസ യുമാണ് ഒരു വര്ഷത്തേക്ക് താല്ക്കാലികമായി അനുവദിക്കാതിരിക്കുന്ന ബില്ലില് ട്രംപ് ഒപ്പുവെച്ചത്.
അമേരിക്കയുടെ നിരവധി കമ്പനികളില് ഇന്ത്യയുടെ ഐ.ടി വിദഗ്ധരുടെ ആവശ്യം നിര്ണ്ണായ കമാണ്. അമേരിക്കയില് വിസ റദ്ദാക്കല് ചര്ച്ച പുരോഗമിക്കവേതന്നെ കമ്പനികള് ട്രംപി നോട് സംസാരിച്ചിരുന്നു. എന്നാല് നാട്ടിലെ തൊഴില് നഷ്ടപ്പെട്ടവര്ക്ക് അവസരം നല്കണ മെന്ന കടുംപിടുത്തതിലാണ് ട്രംപ് ബില്ല് പാസ്സാവാന് അനുവദിച്ചത്. എന്നാല് വിവര സാങ്കേതിക മേഖലയില് അമേരിക്കയില് നിന്നുള്ള വിദഗ്ധരുടെ എണ്ണം ആവശ്യത്തിനില്ല എന്നു തന്നെയാണ് കമ്പനി ഉടമസ്ഥര് ഒന്നടങ്കം മുന്നില്ക്കാണുന്ന പ്രതിസന്ധി.
ആപ്പില്, ഗൂഗിള് എന്നിവരുടെ തലവന്മാരായ ടിം കുക്കും ഇന്ത്യന് വംശജനും ആഗോള ഐ.ടി വിദഗ്ധനുമായ സുന്ദര് പിച്ചെയും ഇന്ത്യന് വിദഗ്ധരുടെ വരവ് കുറഞ്ഞാലുള്ള പ്രശ്നം വീണ്ടും ഉന്നയിച്ചു കഴിഞ്ഞു. ട്രംപ് തെറ്റിദ്ധരിക്കപ്പെട്ടിരിക്കുകയാണെന്നും അമേരിക്കന് വംശജര്ക്ക് തൊഴില് ലഭിക്കുന്ന മേഖലകള് ഇതല്ലെന്നും അവര് ചൂണ്ടിക്കാട്ടി. ഒരുവര്ഷം കൊണ്ട് സാമ്പത്തിക രംഗം തിരികെപിടിക്കാനുള്ള അവസരമാണ് ട്രംപ് പാഴാക്കുന്നതെന്നും വിദഗ്ധര് ചൂണ്ടിക്കാട്ടുന്നു. ആഗോള തലത്തില് അമേരിക്കയുടെ മുന്നേറ്റം തടയപ്പെടുമെന്ന് ട്വിറ്റര് മേധാവി ജാക് ഡോര്സി, ടെല്സ മേധാവി ഇലോണ്, മൈക്രോസോഫ്റ്റ് മേധാവി സത്യാ നദെല്ല എന്നിവരും മുന്നറിയിപ്പ് നല്കി.
