ന്യൂഡല്ഹി: കൊറോണ പ്രതിരോധപ്രവര്ത്തനത്തിന്റെ ഭാഗമായി ഉപയോഗിക്കുന്ന ആരോഗ്യ സേതു ആപ്പും ഇതിഹാസ് ആപ്പും ഏറെ ഫലപ്രദമെന്ന് കേന്ദ്ര മന്ത്രി അമിത് ഷാ അഭിപ്രായ പ്പെട്ടു. ഇന്ത്യയുടെ കൊറോണ പ്രതിരോധത്തിന് രണ്ടു ആപ്പുകളും നിര്ണ്ണായകമായ സേവന മാണ് നല്കിക്കൊണ്ടിരിക്കുന്നത്. രാജ്യത്തെ കൊറോണ വ്യാപനം മനസ്സിലാക്കാനും രോഗ ബാധിതരുടെ നിരീക്ഷണത്തിനും ഇത്രയും സഹായകമായ മറ്റൊരു സംവിധാനവും ഇല്ലെന്നും അമിത് ഷാ പറഞ്ഞു.
ഡല്ഹിയില് കൊറോണ പ്രതിരോധപ്രവര്ത്തനം ശക്തമാക്കിയതിന് ശേഷമുള്ള അവ ലോകനയോഗത്തില് സംസാരിക്കുകയായിരുന്നു കേന്ദ്ര ആഭ്യന്തര മന്ത്രി അമിത് ഷാ. ഡല്ഹിയില് വ്യാപകമായി കൊറോണ പ്രതിരോധപ്രവര്ത്തന സര്വേ നടപടികള് ആരംഭിക്കുന്നതിന്റെ മുന്നോടിയായാണ് അമിത് ഷാ യോഗം വിളിച്ചത്. രണ്ട് ആപ്പുകളും ഒരുമിച്ച് ഉപയോഗിക്കാന് ഉദ്യോഗസ്ഥര്ക്ക് പ്രത്യേക പരിശീലനം നല്കിക്കഴിഞ്ഞതായും എല്ലാ ജില്ലാ കേന്ദ്രത്തിലും വിവര ശേഖരണത്തിനുള്ള പ്രത്യേകം കാര്യാലയങ്ങള് തുറന്നതായും അമിത് ഷാ അറിയിച്ചു.
ഡല്ഹിയില് ഇതുവരെ 70,390 പേര്ക്കാണ് കൊറോണ ബാധിച്ചിരിക്കുന്നത്. മരണം ഇതുവരെ രേഖപ്പെടുത്തിയിരിക്കുന്നത് 2365 ആണ്. 41437 പേര് രോഗമുക്തരായി. മരണസംഖ്യ കൂടിയതോടെയാണ് സുപ്രീം കോടതി നിര്ദ്ദേശപ്രകാരം കേന്ദ്ര ആഭ്യന്തര മന്ത്രാലയം ഡല്ഹിയിലെ കൊറോണ പ്രതിരോധ പ്രവര്ത്തനം നേരിട്ട് ഏറ്റെടുത്തത്.
