ന്യൂഡല്ഹി: പാകിസ്താന് നിലവില് ആഗോള സാമ്പത്തിക അന്വേഷണ സംഘത്തിന്റ പട്ടികയില് പെടാന് കാരണം ഭീകരര്ക്ക് സഹായം ചെയ്യുന്നതുകൊണ്ടെന്ന് ഇന്ത്യ. നിരന്തരം മുന്നറിയിപ്പ് നല്കിയിട്ടും പാകിസ്താന് ഭീകരരെ സഹായിക്കുന്നത് തുടരുകയാണെന്ന് ഇന്ത്യന് വിദേശകാര്യ വക്താവ് പറഞ്ഞു. പാകിസ്താന് നിലവില് ഗ്രേ ലിസ്റ്റിലാണ്. ഈ സ്ഥിതി തുടങ്ങിയാല് താമസിയാതെ കരിമ്പട്ടികയിലും പെടുമെന്നും വിദേശകാര്യമന്ത്രാലയം പറഞ്ഞു.
‘പാകിസ്താന് എഫ്.എ.ടി.എഫിന്റെ ഗ്രേ പട്ടികയിലാണ്. ആഗോള സാമ്പത്തിക സംഘടന നല്കിയ 27 കാരണം കാണിക്കല് ചോദ്യത്തില് പാകിസ്താന് 13 എണ്ണത്തിന് ഇതുവരെ മറുപടി നല്കിയിട്ടില്ല. എല്ലാ സമയപരിധിയും കഴിഞ്ഞിട്ട് ഒരു വര്ഷത്തിലേറെയായി.’ വിദേശകാര്യ വക്താവ് അനുരാഗ് ശ്രീവാസ്തവ മാദ്ധ്യമങ്ങളുടെ ചോദ്യത്തിന് മറുപടിയായി പറഞ്ഞു.
പാകിസ്താനെ ഇത്തരം പട്ടികയില്പ്പെടുത്തിയിരിക്കുന്നത് തുടര്ച്ചയായി ഇന്ത്യയുടെ വാദം ശരിവയ്ക്കുന്നതാണ്. നിലവിലെ പാകിസ്താന്റെ അവസ്ഥ 2021 ഫെബ്രുവരി വരെ തുടരും. 2020 ഒക്ടോബറിനുള്ളില് വിവരങ്ങള് പാകിസ്താന് ധരിപ്പിച്ചാലും അടുത്തവര്ഷം വരെ നിയന്ത്രണം തുടരുമെന്നും ശ്രീവാസ്തവ ചൂണ്ടിക്കാട്ടി.
