ആൻഫീൽഡ് : ലിവർപൂൾ സ്വന്തമാക്കിയ പ്രീമിയർ ലീഗ് കിരീടം ക്ലബ് ഇതിഹാസങ്ങൾക്ക് സമർപ്പിക്കുന്നുവെന്ന് കോച്ച് ജുര്‍ഗന്‍ ക്ലോപ്പ്. കിരീടനേട്ടം തനിക്ക് വാക്കുകൾ കൊണ്ട് വിവരിക്കാൻ ആവില്ല എന്നു പ്രതികരിച്ച അദ്ദേഹം ക്ലബ് ഇതിഹാസങ്ങൾ ആയ കെന്നി ഡാഗ്ലീഷ്, സ്റ്റീഫൻ ജെറാർഡ് എന്നിവർ അടക്കമുള്ളവർക്കും ആരാധകർക്കും നേട്ടം സമർപ്പിക്കുന്നുവെന്നും പറഞ്ഞു.
ലിവർപൂൾ പോലെ ചരിത്രപ്രസിദ്ധമായ ഒരു ക്ലബിന് കിരീട നേട്ടം സമ്മാനിച്ചതിൽ അഭിമാനമുണ്ട്. 30 വർഷം മുമ്പ് ലിവർപൂൾ ലീഗ് കിരീടം ഉയർത്തുമ്പോൾ പരിശീലകൻ ആയ കെന്നി ഡാഗ്ലീഷ്, ജെറാർഡ് തുടങ്ങിയവരുടെ പിന്തുണ തങ്ങളുടെ നേട്ടത്തിൽ നിർണായകമായിരുന്നു. ലിവർപൂളിന്റെ ഐതിഹാസിക ചരിത്രം എന്നും തന്റെ താരങ്ങൾക്ക് പ്രചോദനം ആയെന്നും ക്ലോപ്പ് പ്രതികരിച്ചു.
