പ്രീമിയർ ലീഗ് ഫുട്ബോളിൽ കിരീടമുറപ്പിച്ച ലിവർപ്പൂളിനെ നിലംതൊടീക്കാതെ മാഞ്ചസ്റ്റർ സിറ്റി. സിറ്റിയുടെ സ്വന്തം തട്ടകത്തിൽ നടന്ന മത്സരത്തിൽ എതിരില്ലാത്ത നാല് ഗോളുകൾക്കാണ് പ്രീമിയർലീഗ് ചാമ്പ്യൻമാരെ തകർത്തത്.
ഇംഗ്ലണ്ടിൽ ചാമ്പ്യന്മാരുടെ പകിട്ടുമായെത്തിയ ലിവർപൂൾ സിറ്റിയുടെ മൈതാനത്ത് തകർന്നടിയുകയായിരുന്നു. ഗാർഡ് ഓഫ് ഓണർ നൽകി ആദരിച്ചശേഷമാണ് എതിരില്ലാത്ത നാല് ഗോൾ നൽകി സിറ്റി ലിവർപൂളിനെ മടക്കിയയച്ചത്. സിറ്റിക്കായി കെവിൻ ഡി ബ്രുയൻ, റഹീം സ്റ്റെർലിങ്, ഫിൽ ഫോഡൻ എന്നിവർ ഗോൾ നേടി. ഒരു ഗോൾ ലിവർപൂൾ താരം അലക്സ് ഓക്സ്ലെയിഡ് ചേമ്പർലിൻ സ്വന്തം പോസ്റ്റിലേക്ക് അടിച്ചതായിരുന്നു.
