ലാലിഗയിൽ കപ്പിനോടടുത്ത് റയൽ മാഡ്രിഡ്. ഇന്നലെ നടന്ന മത്സരത്തിൽ സെർജിയോ റാമോസിന്റെ പെനാൽറ്റി ഗോളിൽ റയൽ മാഡ്രിഡിന് വിജയം. ശക്തമായ കിരീട പോരാട്ടം നടക്കുന്ന സ്പാനിഷ് ലീഗിൽ റാമോസിന്റെ ഏക ഗോളിലാണ് ഗെറ്റാഫക്കെതിരെ റയൽ വിജയം സ്വന്തമാക്കിയത്.
ഏഡന് ഹസാഡിന് വിശ്രമം നൽകിയയ റയൽ മാഡ്രിഡിന് മത്സരത്തിൽ ഗോൾ നേടാൻ പെനാൽറ്റിയെ ആശ്രിയിക്കേണ്ടി വന്നു. ഡാനി കാര്വഹാളിനെ 79ാം മിനിറ്റിൽ ബോക്സില് വീഴ്‌ത്തിയതിനാണ് റയലിന് പെനാൽറ്റി ലഭിച്ചത്. അത് റാമോസ് ലക്ഷ്യത്തിൽ എത്തിക്കുകയും ചെയ്തു.
ജയത്തോടെ ലീഗിൽ 33 മത്സരങ്ങളിൽ നിന്ന് റയലിന് 74 പോയിന്റായി. രണ്ടാമതുള്ള ബാഴ്സലോണയേക്കാൾ നാല് പോയിന്റ് ലീഡാണ് റയലിനുള്ളത്. ഇനി 5 മത്സരങ്ങൾ കൂടി ബാക്കിയുണ്ട്.
