തിരുവനന്തപുരം : സംസ്ഥാനത്ത് കൊറോണ ബാധിതരുടെ എണ്ണം 5000 കടന്നു. ഇന്ന് 240 പേർക്ക് രോഗബാധയുണ്ടായതോടെയാണ് ആകെ രോഗം ബാധിച്ചവരുടെ എണ്ണം 5000 കടന്നത്. ഇന്നലെ പുറത്തുവന്ന കണക്ക് പ്രകാരം 4964 പേർക്കായിരുന്നു കൊറോണ സ്ഥിരീകരിച്ചിരുന്നത്. ഇന്നത്തെ കണ്കകുകൾ വന്നതോടെ അത് 5204 ആയി.
അതേസമയം, സംസ്ഥാനത്ത് ഏറ്റവുമധികം കൊറോണ റിപ്പോർട്ട് ചെയ്യപ്പെട്ട ദിവസമാണ് ഇന്ന്. 240 പേര്ക്ക് കൊറോണ സ്ഥിരീകരിച്ചു. മലപ്പുറം ജില്ലയില് നിന്നുള്ള 37 പേര്ക്കും, കണ്ണൂര് ജില്ലയില് നിന്നുള്ള 35 പേര്ക്കും, പാലക്കാട് ജില്ലയില് നിന്നുള്ള 29 പേര്ക്കും, പത്തനംതിട്ട ജില്ലയില് നിന്നുള്ള 22 പേര്ക്കും, ആലപ്പുഴ, തൃശൂര് ജില്ലകളില് നിന്നുള്ള 20 പേര്ക്ക് വീതവും, തിരുവനന്തപുരം, കൊല്ലം ജില്ലകളില് നിന്നുള്ള 16 പേര്ക്ക് വീതവും, കാസര്ഗോഡ് ജില്ലയില് നിന്നുള്ള 14 പേര്ക്കും, എറണാകുളം ജില്ലയില് നിന്നുള്ള 13 പേര്ക്കും, കോഴിക്കോട് ജില്ലയില് നിന്നുള്ള 8 പേര്ക്കും, കോട്ടയം ജില്ലയില് നിന്നുള്ള 6 പേര്ക്കും ഇടുക്കി, വയനാട് ജില്ലകളില് നിന്നുള്ള 2 പേര്ക്കുമാണ് ഇന്ന് രോഗം സ്ഥിരീകരിച്ചത്.
152 പേര് വിദേശ രാജ്യങ്ങളില് നിന്നും 52 പേര് മറ്റ് സംസ്ഥാനങ്ങളില് നിന്നും വന്നതാണ്. 17 പേര്ക്കാണ് സമ്പര്ക്കത്തിലൂടെയാണ് രോഗം ബാധിച്ചത്. എറണാകുളം ജില്ലയിലെ 5 പേര്ക്കും, തിരുവനന്തപുരം ജില്ലയിലെ 4 പേര്ക്കും, തൃശൂര് ജില്ലയിലെ 3 പേര്ക്കും, കൊല്ലം, ആലപ്പുഴ ജില്ലകളിലെ 2 പേര്ക്ക് വീതവും മലപ്പുറം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്. ഇതുകൂടാതെ കണ്ണൂര് ജില്ലയിലെ 11 ഡി.എസ്.സി.ക്കാര്ക്കും 4 സി.ഐ.എസ്.എഫ്.ക്കാര്ക്കും തൃശൂര് ജില്ലയിലെ 4 ബി.എസ്.എഫ്.കാര്ക്കും രോഗം ബാധിച്ചിട്ടുണ്ട്.