ന്യൂഡല്ഹി: രാജ്യത്തിന് വേണ്ടി ജീവന് നല്കാനും ജവാന്മാര് തയ്യാറാണെന്ന് ഇന്ഡോ ടിബറ്റന് ബോര്ഡര് പോലീസ് ഡിജി എസ് എസ് ദേശ്വാള്. പ്രധാനമന്ത്രി നരേന്ദ്ര മോദിയുടെ ലഡാക്ക് സന്ദര്ശനം ഇന്ത്യന് സായുധ സേനയുടെ മനോബലം വര്ധിപ്പിച്ചെന്നും അദ്ദേഹം വ്യക്തമാക്കി. ലഡാക്കില് ചൈനയുമായി സംഘര്ഷ സാധ്യത നിലനില്ക്കുന്ന സാഹചര്യത്തിലാണ് ഐടിബിപി മേധാവി തന്നെ നിലപാട് വ്യക്തമാക്കിയിരിക്കുന്നത്.
ഇന്ത്യന് സൈന്യമായാലും വ്യോമസേനയായാലും ഐടിബിപി ആയാലും മനോവീര്യത്തില് കുറവില്ല. രാജ്യാതിര്ത്തികള് സംരക്ഷിക്കാനായി സേനകള് സ്വയം സമര്പ്പിച്ചിരിക്കുകയാണ്. ഔദ്യോഗിക കൃത്യനിര്വഹണത്തിനിടെ നിരവധി ജവാന്മാരാണ് മുന്പ് ജീവന് ബലിയര്പ്പിച്ചത്. വരും കാലങ്ങളിലും തങ്ങളുടെ ജവാന്മാര് രാജ്യത്തിന് വേണ്ടി ജീവത്യാഗം ചെയ്യാന് തയ്യാറാണെന്ന് ഡിജി വ്യക്തമാക്കി.
ഐടിബിപിയാണ് 3,488 കിലോ മീറ്റര് ദൈര്ഘ്യമുള്ള ഇന്ത്യ-ചൈന അതിര്ത്തി സംരക്ഷണത്തിന് നേതൃത്വം നല്കുന്നത്. നിലവില് സംഘര്ഷ സാധ്യത നിലനില്ക്കുന്ന മേഖലകളില് സൈന്യത്തിന് ഉറച്ച പിന്തുണയാണ് ഐടിബിപി ജവാന്മാര് നല്കുന്നത്. പുതുതായി 30 കമ്പനി സേനയെക്കൂടി ഐടിബിപിയില് ഉള്പ്പെടുത്തിയിട്ടുണ്ട്. ഒരോ കമ്പനി സേനയിലും 100 ജവാന്മാര് വീതമാണുണ്ടാകുക.
