ന്യൂഡല്ഹി: ഇന്ത്യന് മുന് നായകന് ധോണിയ്ക്ക് പിറന്നാള് ആശംസകള് നേര്ന്ന് വെസ്റ്റിന് ഡീസ് താരം ഡ്വയ്ൻ ബ്രാവോ. ചെന്നൈ സൂപ്പർ കിംഗ്സിലെ സഹതാരമായ ബ്രാവോ ധോണിയുടെ അടുത്ത സുഹൃത്താണ്. ധോണിയെ ലോക ക്രിക്കറ്റിലെ തകര്പ്പന് താരമെന്നാണ് ബ്രാവോ വിശേഷിപ്പിക്കുന്നത്. ധോണിക്കായി 39-ാം പിറന്നാളിന് ഇറക്കിയ ഗാനങ്ങള് റിലീസ് ചെയ്താണ് ബ്രാവോ ആശംസ അറിയിച്ചിരിക്കുന്നത്.
ഹെലികോപ്റ്റര്-7 എന്ന പേരിലാണ് ഗാനം പുറത്തിറങ്ങിയിരിക്കുന്നത്. ‘ എം.എസ് ധോണി നമ്പര് സെവന്, എം.എസ് ധോണി നമ്പര് സെവന്, ആള് ഓഫ് റാഞ്ചി ഷൗട്ടിംഗ് ധോണി, ആള് ഓഫ് ഇന്ത്യ ഷൗട്ടിംഗ് മഹി, ആള് ഓഫ് ചെന്നൈ ഷൗട്ടിംഗ് തല, എം.എസ് ധോണി ഈ എ വേഴ്ഡ്-ബീറ്റര്’ എന്നിങ്ങനെയാണ് ഗാനത്തിലെ വരികള്.
The Helicopter 7 has taken off! @DJBravo47's tribute to #Thala @msdhoni, his brother from another mother! #HappyBirthdayDhoni #WhistlePodu 🦁💛 pic.twitter.com/KAs8gGFIzt
— Chennai Super Kings (@ChennaiIPL) July 6, 2020
ധോണി തന്റെ ക്രിക്കറ്റ് കരിയറിലൂടെ കടന്നുവന്ന വഴികളാണ് ഗാനങ്ങളിലൂടെ പ്രകീര്ത്തി ച്ചിരിക്കുന്നത്. ധോണിയുടെ മുന്കാല ക്രിക്കറ്റ് മത്സരങ്ങളുടെ ഭാഗങ്ങളും വീഡിയോ ഗാനത്തില് ചേര്ത്തിട്ടുണ്ട്. 2005ല് പാകിസ്താനെതിരെയാണ് ധോണിയുടെ ആദ്യ സെഞ്ച്വറി പിറക്കുന്നത്. അന്ന് ബാറ്റിംഗില് മൂന്നാം സ്ഥാനത്താണ് ധോണി കളിച്ചത്. അന്ന് നായകനായ ഗാംഗുലി ധോണിയില് അര്പ്പിച്ച വിശ്വാസമാണ് മൂന്നാം നമ്പറിലേക്കുള്ള കയറ്റമെന്നും ബ്രാവോ ചൂണ്ടിക്കാട്ടി.
2011 മുതലാണ് ബ്രാവോ ചെന്നെ സൂപ്പര്കിംഗ്സില് ധോണിക്കൊപ്പം ചേരുന്നത്. നിലവില് 104 മത്സരങ്ങള് കളിക്കുകയും 121 വിക്കറ്റുകള് നേടിനില്ക്കുന്ന താരവുമാണ് ബ്രാവോ. 2010, 2011, 2018 എന്നീ വര്ഷങ്ങളില് ചെന്നൈ പ്രീമിയര് ലീഗ് കിരീടം ചൂടിയത് ധോണിയുടെ നായകത്വ ത്തിലാണ്.