മുംബൈ: ചൈനയുടെ നിയന്ത്രണത്തിലുള്ള ഷോട്ട് വീഡിയോ ആപ്പ് ടിക്-ടോകിന് ആമസോണിന്റേയും നിരോധനം. കമ്പനിയുമായി ബന്ധപ്പെട്ട എല്ലാ ജീവനക്കാരും നിര്ബന്ധമായും ആപ്പ് നീക്കം ചെയ്യണമെന്നാണ് നിര്ദ്ദേശം നല്കിയിരിക്കുന്നത്. എന്നാല് നിര്ദ്ദേശം ഔദ്യോഗിക മല്ലെന്ന അവകാശവാദവുമായി ആമസോണ് വക്താവ് രംഗത്തെത്തിയിട്ടുണ്ട്. എന്നാല് കമ്പനിയുടെ ഔദ്യോഗിക ഇ-മെയിലിലൂടെയാണ് സന്ദേശം നല്കിയതെന്ന വെളിപ്പെടുത്തല് ബ്രിട്ടീഷ് മാദ്ധ്യമമാണ് പുറത്തുവിട്ടിരിക്കുന്നത്.
ആമസോണിന്റെ വിപുലമായ ഓണ്ലൈന് ശൃംഖലയുടെ വിവരങ്ങളുടെ സുരക്ഷയെ ആപ്പ് ബാധിക്കുമെന്നതാണ് കണ്ടെത്തിയിരിക്കുന്നത്. ഉപയോഗിക്കുന്നവരുടെ ഫോണിലെ വിവരം ചോരുന്നതിനനുസരിച്ച് തങ്ങളുടെ ഉപഭോക്താക്കളുടെ വിവരങ്ങളും ടിക്-ടോക് വഴി ചൈനയുടെ കയ്യിലെത്തുമെന്നാണ് ആമസോണ് ഭയപ്പെടുന്നത്.
20 കോടിയിലേറെ ജനങ്ങളാണ് ലോകത്താകമാനം ടിക്-ടോക് വീഡിയോ ഡൗണ്ലോഡ് ചെയ്തിരുന്നത്. 2019-20ല് ലോകത്ത് ഡൗണ്ലോഡ് ചെയ്ത ഏറ്റവും വലിയ ആപ്പായിരുന്നു ടിക്- ടോക്. എന്നാല് അമേരിക്കയുമായുള്ള സാമ്പത്തിക യുദ്ധം ചൈന നേരിടുന്നതിന് രഹസ്യങ്ങള് ചോര്ത്തുന്നുവെന്ന് ട്രംപ് തുടര്ച്ചയായി ആരോപിച്ചിരുന്നു. ഓസ്ട്രേലി യക്കെതിരായ വാണിജ്യബന്ധത്തിലെ ഉലച്ചിലും ഇതിനിടെ ചൈനയെ സംശത്തിന്റെ നിഴലിലാക്കി. ലോകത്തെല്ലായിടത്തുമുള്ള രാജ്യങ്ങളുമായി കൊറോണകാലത്തെ ബന്ധത്തിലുണ്ടായ വിള്ളലും ചൈനയുടെ വാണിജ്യരംഗത്തെ പിടി ഇല്ലാതാക്കി യിരിക്കുകയാണ്. ഇതിനെല്ലാം ചൈന പകരംവീട്ടാന് ആപ്പുകളെ കരുവാക്കുന്നു എന്ന സംശയമാണ് ബലപ്പെട്ടത്.പാര്ലമെന്റി രഹസ്യങ്ങള് വരെ ചൈന ചോര്ത്തിയതായും ഓസ്ട്രേലിയ ആരോപണം ഉന്നയിച്ചിരിക്കുകയാണ്.
