ന്യൂഡല്ഹി : സാമൂഹ്യ മാദ്ധ്യമത്തിലൂടെ ഇന്ത്യന് സൈന്യത്തെ അധിക്ഷേപിച്ച് ക്യാമ്പസ് ഫ്രണ്ട് നേതാവ്. ക്യാമ്പസ് ഫ്രണ്ട് പ്രസിഡന്റും ജെഎന്യു വിദ്യാര്ത്ഥിയുമായ സാജിദ് ബിന് സെയ്ദാണ് സൈനികരെ അധിക്ഷേപിച്ച് പരാമര്ശം നടത്തിയത്. സംഭവത്തില് സാജിദിനെതിരെ ഡല്ഹി പോലീസ് കേസ് എടുത്തു.
ട്വിറ്ററിലൂടെയാണ് സാജിദ് സൈനികരെ അധിക്ഷേപിച്ചുകൊണ്ടുള്ള പരാമര്ശം നടത്തിയത്. കശ്മീരികളെ ഉന്മൂലനം ചെയ്യുന്നതിനായി ആര്എസ്എസ് ആസൂത്രണം ചെയ്ത പദ്ധതികള് സൈന്യം നടപ്പിലാക്കുന്നു എന്നായിരുന്നു സാജിദിന്റെ വിവാദ പരാമര്ശം. കശ്മീരികളുടെ വംശഹത്യയ്ക്കായി ആര്എസ്എസ് ആസൂത്രണം ചെയ്യുന്ന ചെയ്യുന്ന പദ്ധതികള് ഇന്ത്യന് സൈന്യം നടപ്പിലാക്കുന്നു. പ്രദേശങ്ങള് പിടിച്ചടക്കാനുള്ള ബിജെപി സര്ക്കാരിന്റെ ആര്ത്തി അവസാനിപ്പിക്കണം. യുഎന് കശ്മീര് ജനതയ്ക്ക് നല്കിയ സ്വയം നിര്ണ്ണയത്തിനായുള്ള അവകാശം കേന്ദ്ര സര്ക്കാര് അംഗീകരിക്കണം. കശ്മീര് വിഷയത്തില് അന്താരാഷ്ട്ര സംഘടനകള് ഇടപെടാന് സമയം ആയെന്നാണ് സാജിദ് ട്വിറ്ററില് കുറിച്ചത്.
ട്വീറ്റ് വ്യാപകമായി പ്രചരിച്ചതോടെ രാജ്യത്തിന്റെ വിവിധ ഭാഗത്തു നിന്നും പ്രതിഷേധം ഉയര്ന്നു. ഇതിന്റെ പശ്ചാത്തലത്തിലാണ് സാജിദിനെതിരെ ഡല്ഹി പോലീസ് കേസ് എടുത്തത്. രാജ്യത്തിന്റെ നാനാഭാഗത്തു നിന്നും ശക്തമായ പ്രതിഷേധം ഉയര്ന്നതോടെ സാജിദ് ട്വീറ്റ് നീക്കം ചെയ്തിട്ടുണ്ട്.
സമാനമായ രീതിയില് ഇതിന് മുന്പും സാജിദ് വിവാദപരമായ പരാമര്ശങ്ങള് ട്വിറ്ററിലൂടെ നടത്തിയിട്ടുണ്ട്. കേന്ദ്ര സര്ക്കാര് ജമ്മു കശ്മീരില് വംശീയ ശുദ്ധീകരണം നടത്താന് പദ്ധതിയിട്ടിട്ടുണ്ടെന്നായിരുന്നു ജൂലൈ 12 ന് സാജിദ് ട്വിറ്ററില് കുറിച്ചത്. ലോകത്ത് ഏറ്റവും കൂടുതല് സൈനിക സ്വാധീനമുള്ള പ്രദേശമാണ് ജമ്മു കശ്മീര്. ഇവിടെ മനുഷ്യാവകാശ ലംഘനങ്ങള് കുതിച്ചുയരുകയാണ്. പാലസ്തീന് വംശജരെ ഇല്ലാതാക്കാന് ഇസ്രായേലില് നടന്ന പദ്ധതികള് സര്ക്കാര് ജമ്മു കശ്മീരിലും നടപ്പാക്കാന് ശ്രമിക്കുകയാണ്. ജമ്മു കശ്മീരില് വംശീയ ശുദ്ധീകരണം നടത്താനാണ് കേന്ദ്രസര്ക്കാര് പദ്ധതിയിട്ടിരിക്കുന്നത് എന്നായിരുന്നു സാജിദിന്റെ ട്വീറ്റ്.
