ടോക്കിയോ: വീഡിയോ ഷെയറിംഗ് ആപ്ലിക്കേഷനായ ടിക് ടോക്ക് നിരോധിക്കണമെന്ന ആവശ്യം ജപ്പാനിലും ശക്തമാകുന്നു. ജാപ്പനീസ് ഭരണ കക്ഷിയിലെ ജനപ്രതിനിധികളാണ് ടിക് ടോക്ക് നിരോധിക്കണമെന്ന ആവശ്യവുമായി രംഗത്തെത്തിയിരിക്കുന്നത്. ജാപ്പനീസ് മാദ്ധ്യമങ്ങളാണ് ഇത് സംബന്ധിച്ച റിപ്പോര്ട്ട് പുറത്തു വിട്ടിരിക്കുന്നത്.
പ്രധാനമന്ത്രി ഷിന്സോ ആബെയോട് ജാപ്പനീസ് ഭരണ കക്ഷിയായ ലിബറല് ഡെമോക്രാറ്റിക് പാര്ട്ടിയുടെ ഒരു കൂട്ടം നേതാക്കള് ടിക് ടോക്ക് ആപ്ലിക്കേഷന്റെ നിരോധനം സംബന്ധിച്ച് ആവശ്യപ്പെട്ടു കഴിഞ്ഞുവെന്നാണ് ജാപ്പനീസ് ടൈംസ് റിപ്പോര്ട്ട് ചെയ്യുന്നത്. ജപ്പാന്റെ സുരക്ഷാ മുന്കരുതലിനായി ടിക് ടോക്കിന് നിരോധനം ഏര്പ്പെടുത്തണമെന്നാണ് ഇവര് പ്രധാനമന്ത്രിയോട് ആവശ്യപ്പെട്ടിരിക്കുന്നതെന്നാണ് വിവരം.
ടിക് ടോക്ക് വഴി ജപ്പാന്റെ വിവരങ്ങള് ചൈനയിലേക്ക് ചോരുന്നുവെന്നും ഇത് തടയാന് മുന്നിലുള്ള മാര്ഗം ടിക് ടോക്കിന്റെ നിരോധനമാണെന്നും ജപ്പാന് ഭരണകക്ഷിയുടെ റെഗുലേറ്ററി പോളിസ് വിഭാഗം നേതാവ് അക്കിര അമാരി വ്യക്തമാക്കി. ഇന്ത്യ ടിക് ടോക്കിന് നിരോധനം ഏര്പ്പെടുത്തിയതിന് പിന്നാലെ നിരവധി രാജ്യങ്ങളില് ടിക് ടോക്ക് നിരോധിക്കണമെന്ന ആവശ്യം ശക്തമായിട്ടുണ്ട്. ദേശീയ സുരക്ഷയെ മുന്നിര്ത്തി ഹോങ്കോംഗും ടിക് ടോക്കിന് നേരത്തെ നിരോധനം ഏര്പ്പെടുത്തിയിരുന്നു.
