പ്രകൃതി, മനുഷ്യൻ, വായു, ജലം എന്നിവയെ എല്ലാം യോജിപ്പിച്ച ചികിത്സാ വിധിയാണ് ആയുർവേദം. ഒരു കാലത്തു നമ്മൾ തന്നെ പിന്നിൽ ഉപേക്ഷിച്ച പലതും ഇന്ന് നമ്മുടെ ജീവിതത്തിന്റെ തന്നെ ഭാഗമാകുകയാണ് വീണ്ടും.ലോകത്തെ തന്നെ മാറ്റി മറിച്ച കൊറോണ വൈറസിനെ തടുക്കാനും ഒരു പരിധി വരെ ആയുർവേദം സഹായമാകും.
ആരോഗ്യ പ്രവര്ത്തകരുടെ നിര്ദേശങ്ങളോടൊപ്പം രോഗപ്രതിരോധ ശേഷി കൂട്ടുന്നതാനായി കുറച്ച് ആയുര്വേദം കൂടി ആയാല് കൊറോണയെ അകറ്റാനാകും. നമ്മുടെ വീട്ടില് തന്നെയുള്ള ചെറുപയര്, ചെറുനാരങ്ങ, ഇഞ്ചി, വെളുത്തുള്ളി, ചുവന്നുള്ളി, മഞ്ഞള്പൊടി,ചുക്ക് , കുരുമുളക്, ജീരകം, കറിവേപ്പില എന്നിവ നിത്യവും ഭക്ഷണത്തില് ഉള്പ്പെടുത്തിയാല് മതി.
സാധാരണയായി തിളപ്പിച്ചാറിയ വെള്ളമാണ് നാം കുടിക്കാനായി ഉപയോഗിക്കുന്നത് എന്നാല് അതിലേക്ക് ചുക്ക്, മല്ലി, തുളസി, രാമച്ചം എന്നിവ ചേര്ത്ത് തിളപ്പിച്ചാൽ ഈ പനി കാലത്ത് ഏറെ ഗുണം ചെയ്യും .
ചായ കഴിവതും ഒഴിവാക്കി പകരം ചുക്ക്, കുരുമുളക, തുളസി, പനിക്കൂര്ക്ക, ശര്ക്കര എന്നിവ ഉള്പ്പെടുത്തിയ കാപ്പി കഴിക്കുക. ഒഴിവു സമയങ്ങളില് കഴിക്കുന്ന ചിപ്സ്, ബിസ്ക്കറ്റ് എന്നിവ ഒഴിവാക്കി പകരം നെല്ലിക്ക ,ചുവന്നുള്ളി നെയ്യ് ചേര്ത്ത് വഴറ്റിയത് എന്നിവ കഴിക്കുക. ചോറിന് കറികളോടൊപ്പം കുരുമുളക്, മല്ലി, അയമോദകം, മഞ്ഞള്, കറിവേപ്പില എന്നിവ ചേര്ത്ത് കാച്ചിയ മോര് കഴിക്കുക എന്നിവയൊക്കെ ഈ പറഞ്ഞ പ്രതിരോധത്തിന്റെ ഭാഗമാണ്.
രാവിലെ എണീറ്റ ഉടനെ ഇഞ്ചിനീര്, ചുവന്നുള്ളി, വെളുത്തുള്ളി, ചെറുനാരങ്ങ, മഞ്ഞള് എന്നിവയിട്ട് തിളപ്പിച്ച വെള്ളം കുടിക്കുക. കൂടാതെ കറിവേപ്പില, മഞ്ഞള്, പനം കല്ക്കണ്ട് എന്നിവ അരച്ച് ചെറിയ ഉരുളകളാക്കി കഴിക്കുക. ഇവയെല്ലാം തന്നെ നമ്മുടെ ആരോഗ്യത്തിന് വളരെ നല്ലതും രോഗപ്രതിരോധശേഷി കൂട്ടാന് സഹായിക്കുന്നവയുമാണ്. സ്വയം തീർക്കുന്ന പ്രതിരോധമാകട്ടെ നമ്മുടെ കരുത്ത്
