മുംബൈ : ഇന്ത്യന് പ്രീമിയര് ലീഗിന്റെ സ്പോണ്സര് സ്ഥാനത്തു നിന്നും ചൈനീസ് മൊബൈല് കമ്പനിയായ വിവോയെ നീക്കി ബിസിസിഐ. പ്രസ്താവനയിലൂടെയാണ് ബിസിസിഐ ഇക്കാര്യം അറിയിച്ചത്. കഴിഞ്ഞ ദിവസം ഐപിഎല്ലിന്റെ സ്പോണ്സര് സ്ഥാനത്തു നിന്നും വിവോയെ ബിസിസിഐ നീക്കാന് തീരുമാനിച്ചതായുള്ള വാര്ത്തകള് പുറത്തു വന്നിരുന്നു. ഇതിന് പിന്നാലെയാണ് ബിസിസിഐ ഔദ്യോഗിക പ്രസ്താവന പുറപ്പെടുവിച്ചത്.
2020 ഐപിഎല്ലിലെ വിവോ മൊബൈല് ഇന്ത്യ ലിമിറ്റഡിന്റെ പങ്കാളിത്തം ബിസിസിഐ റദ്ദാക്കാന് തീരുമാനിച്ചിരിക്കുന്നു എന്നാണ് ബിസിസിഐ ഔദ്യോഗികമായി പുറത്തിറക്കിയ പ്രസ്താവനയില് പറയുന്നത്.
2018 ലാണ് അഞ്ച് വര്ഷത്തെ കരാര് അടിസ്ഥാനത്തില് വിവോ ഐപിഎല്ലിന്റെ സ്പോണ്സര് സ്ഥാനത്ത് എത്തുന്നത്. 2190 കോടിയുടേതാണ് കരാര്. കരാര് കാലാവധി അവസാനിക്കാന് ഇനി മൂന്ന് വര്ഷം കൂടി ബാക്കി നില്ക്കേയാണ് ബിസിസിഐയുടെ സുപ്രധാന തീരുമാനം. അതേസമയം ബാക്കി മൂന്ന് വര്ഷത്തേക്കുള്ള കരാര് ഹോണറിന് കൈമാറാനാണ് വിവോയുടെ തീരുമാനമെന്നും റിപ്പോര്ട്ടുകളുണ്ട്.
വിവോയെ സ്പോണ്സര്ഷിപ്പ് സ്ഥാനത്തു നിന്നും ഒഴിവാക്കിയ സാഹചര്യത്തില് പുതിയ സ്പോണ്സറെ കണ്ടെത്തുന്നതിനായി രണ്ട് ദിവസത്തിനുള്ളില് തന്നെ ബിസിസിഐ ടെണ്ടര് വിളിക്കുമെന്നാണ് വിവരം.
Comments