ബിഎംഡബ്ല്യു മോട്ടോറാഡിന്റെ ഏറ്റവും പുതിയതും മികച്ചതുമായ മോഡല് ആര് 18 ക്രൂയിസര് മോട്ടോര്സൈക്കിളുകള് അടുത്തമാസം ഇന്ത്യയില് പുറത്തിറക്കും. ജര്മന് പ്രീമിയം ഇരുചക്രവാഹന നിര്മാതാക്കളായ ബിഎംഡബ്ല്യു മോട്ടോറാഡ് മോട്ടോര്സൈക്കിളിന്റെ ആദ്യഘട്ട പരീക്ഷണം ഇന്ത്യന് നിരത്തുകളില് നടത്തി. ഏറ്റവും മികച്ച 158 എന്എം സിസി ട്വിന് സിലിണ്ടര് എയര്-കൂള്ഡ് എഞ്ചിനാണ് ഈ മോട്ടോര്സൈക്കിളിൽ ഉപയോഗിക്കുന്നത്. ആറ് സ്പീഡ് ഗിയര്ബോക്സുമായാണ് എഞ്ചിന് ജോടിയാക്കിയിരിക്കുന്നത്.
ട്രാക്ഷന് കണ്ട്രോള്, ക്രൂയിസ് കണ്ട്രോള്, ഹില്-ഹോള്ഡ് അസിസ്റ്റ്, റൈഡ്-ബൈ-വയര് ത്രോട്ടില്, മൂന്ന് റൈഡിംഗ് മോഡുകള് – റെയിന്, റോക്ക്, റോള് എന്നീ ഇലക്ട്രോണിക് സഹായങ്ങള് കൂടി ബൈക്കില് സജ്ജീകരിച്ചിരിച്ചിട്ടുണ്ട്. ഗിയര്ബോക്സില് ഡ്രൈവ് ഷാഫ്റ്റിന് മുകളിലുള്ള രണ്ട് ചെയിന് ഡ്രൈവുള്ള ക്യാംഷാഫ്റ്റുകള് ഉണ്ട്. അതിനാല് പരമാവധി 180 കിലോമീറ്റര് വേഗതയില് സഞ്ചരിക്കാനും 4.8 സെക്കന്ഡിനുള്ളില് പൂജ്യം മുതല് 62 മൈല് വരെ വേഗത കൈവരിക്കാനും ബിഎംഡബ്ല്യു ആര്18 ക്രൂയിസറിന് കഴിയും.
പുതിയ ക്രൂയിസറിന്റെ മുന്നിലും പിന്നിലുമുള്ള ആക്സിലുകളില് യഥാക്രമം നാലു പിസ്റ്റണ് ഫിക്സഡ് കാലിബറുകളുള്ള 300 എംഎം ട്വിന് ഡിസ്ക് ബ്രേക്ക്, സിംഗിള് ഡിസ്ക് ബ്രേക്ക് എന്നിവയാണ് ആര് 18 ന്റെ ബ്രേക്കിംഗ് കൈകാര്യം ചെയ്യുന്നത്. സ്റ്റാന്ഡേര്ഡ് സവിശേഷതകളായി ബിഎംഡബ്ല്യു മോട്ടോറാഡ് ഇന്റഗ്രല് എബിഎസ്, സ്വിച്ചുചെയ്യാവുന്ന ഓട്ടോമാറ്റിക് സ്റ്റൈബിലിറ്റി കണ്ട്രോള് എന്നിവയും പ്രീമിയം മോഡലിലെ സവിശേഷതകളാണ്. മോട്ടോര്സൈക്കിളിന്റെ മുഴുവനായുള്ള നീളം, വീതി, ഉയരം എന്നിവ 2440 എംഎം, 964 എംഎം, 1232 എംഎം എന്നിങ്ങിനെയാണ്. 690 മില്ലിമീറ്റര് ഉയരമാണ് ക്രൂസറിന്റെ സീറ്റിനുളളത്. ബിഎംഡബ്ല്യു ആര് 18 ന്റെ ഏകദേശ എക്സ്ഷോറൂം വില 20 ലക്ഷം രൂപയാണ്. ഔദ്യോഗിക അവതരണം സെപ്റ്റംബര് പകുതിയോടെ നടക്കുമെന്നാണ് പ്രതീക്ഷിക്കുന്നത്.
