ന്യൂയോര്ക്ക്: പ്രമുഖര് പിന്മാറിയതിനെ തുടര്ന്ന് നിറംമങ്ങിയ യു.എസ്.ഓപ്പണിന് പ്രതീക്ഷ നല്കി ജോക്കോവിച്ച്. ലോക ഒന്നാം നമ്പര് നൊവാക് ജോക്കോവിച്ച യു.എസ്. ഓപ്പണില് കളിക്കാനിറങ്ങുമെന്നാണ് അറിയിച്ചിരിക്കുന്നത്. റഫേല് നദാലും വനിതകളിലെ ഒന്നാം നമ്പര് ആഷ്ലി ബാര്ട്ടിയും പിന്മാറിയിരുന്നു. ബ്രിട്ടന്റെ ആന്റി മുറെ സമ്മതം അറിയിക്കാത്തതും യു.എസ്. ഓപ്പണ് അധികൃതരെ വിഷമത്തിലാക്കിയ സമയത്താണ് ജോക്കോവിച്ചിന്റെ വരവ്.
അമേരിക്കയുടെ വനിതാ താരം സെറീന വില്യംസ് യു.എസ്. ഓപ്പണിനായി ശക്തമായി വാദിച്ചിരുന്നു. ഈ മാസം 31 മുതലാണ് യു.എസ്. ഓപ്പണ് തീരുമാനിച്ചിരിക്കുന്നത്. മത്സരങ്ങളെല്ലാം അടച്ചിട്ട സ്റ്റേഡിയത്തില് നടത്താനാണ് തീരുമാനം.
ജോക്കോവിച്ച് ട്വിറ്ററിലൂടെയാണ് അമേരിക്കയിലെത്തുന്ന വിവരം പങ്കുവെച്ചത്. കഴിഞ്ഞമാസം കൊറോണ ബാധിച്ച് ചികിത്സ കഴിഞ്ഞ താരമാണ് ജോക്കോവിച്ച്. നാട്ടില് പ്രദേശിക ടൂര്ണ്ണമെന്റ് സംഘടിപ്പിച്ച ശേഷമാണ് സെര്ബിയന് താരത്തിന് കൊറോണ സ്ഥിരീകരിച്ചത്.
