ജനീവ: ആഗോള തലത്തിലെ കൊറോണ വ്യാപന തോതിനേക്കാള് വേഗത്തില് രോഗമുക്തി നേടുന്നവരുടെ എണ്ണം കൂടുന്നതായി കണക്കുകള്. ലോകത്താകമാനം ഇതുവരെ കൊറോണ ബാധിച്ചവരുടെ എണ്ണ 2,18,26,447 ആയെന്നാണ് ലോകാരോഗ്യ സംഘടനാ കണക്കുകള് സൂചിപ്പിക്കുന്നത്. എന്നാല് രോഗമുക്തിനേടുന്നവരുടെ എണ്ണം കൂടുന്നതായാണ് ഡബ്ല്യു.എച്ച്.ഒ സൂചിപ്പിക്കുന്നത്. ഇതുവരെ 1,45,64,183 പേര് രോഗമുക്തരായെന്നാണ് ഏറ്റവും പുതിയ കണക്കുകള് വ്യക്തമാക്കുന്നത്. മരണപ്പെട്ടവരുടെ എണ്ണം 7,73,072 ആണ്.
കൊറോണ ബാധിതരില് കടുത്ത രോഗാവസ്ഥയിലുള്ളവര് കേവലം ഒരു ശതമാനം മാത്രമാണ്. ആകെ ചികിത്സയിലുള്ള 64,89,182ല് 64,329 പേര്ക്ക് മാത്രമാണ് അസുഖം ഗുരുതരമായി ബാധിച്ചിട്ടുള്ളത്. രാജ്യങ്ങളുടെ കാര്യത്തില് അമേരിക്ക തന്നെയാണ് മുന്നില്. 55,66,632പേര്ക്കാണ് ഇതുവരെ കൊറോണ ബാധിച്ചത്. അവിടേയും രോഗമുക്തരുടെ എണ്ണം 29,22,724 ആയെന്നാണ് റിപ്പോര്ട്ട്. പകുതിയിലേറെപ്പേര് രോഗമുക്തരായെന്നതാണ് ഏറ്റവും പുതിയ വിശകലനം. ബ്രസീലില് 33,40,197 പേര്ക്ക് രോഗം ബാധിച്ചതില് 24,32,456പേരും രോഗമുക്തരായി. റഷ്യയില് 9,22,853 പേര്ക്കാണ് രോഗബാധ ഇതില് 7,32,968 പേരും രോഗമുക്തി നേടി.
Comments