ഗുവാഹട്ടി: മികച്ച പഠന നിലവാരം പുലര്ത്തിയ പെണ്കുട്ടികളെ പ്രോത്സാഹിപ്പിച്ച് അസം സര്ക്കാര്. സംസ്ഥാനത്തെ 22000 പെണ്കുട്ടികള്ക്കാണ് സ്കൂട്ടര് സമ്മാനമായി നല്കുന്നത്. 12-ാം ക്ലാസ്സില് ഉന്നതവിജയം നേടിയ പെണ്കുട്ടികള്ക്കാണ് സര്ക്കാര് അപ്രതീക്ഷിത സമ്മാനം പ്രഖ്യാപിച്ചത്. ഇതോടൊപ്പം 18000 അദ്ധ്യാപികമാര്ക്കും സ്കൂട്ടര് നല്കുവാനും തീരുമാനമായി. അസം വിദ്യാഭ്യാസ മന്ത്രി ഹിമാന്ദാ ബിശ്വ ശര്മ്മയാണ് സര്ക്കാര് തീരുമാനം അറിയിച്ചത്.
സംസ്ഥാനത്തെ വിവിധ വകുപ്പുകളുടെ മേഖലകളില് നടപ്പാക്കുന്ന ശാക്തീകരണ പദ്ധതികളുടെ ഭാഗമായാണ് പ്രഖ്യാപനമെന്ന് ശര്മ്മ അറിയിച്ചു. സംസ്ഥാനത്തെ സ്ത്രീശാക്തീകരണത്തിന് വിദ്യാഭ്യാസരംഗത്തെ മുന്നേറ്റം അനിവാര്യമാണ്. വിദ്യാഭ്യാസ മേഖലയില് പെണ്കുട്ടികളെ പ്രോത്സാഹിപ്പിക്കുന്നതില് അദ്ധ്യാപികമാരുടെ പങ്ക് വളരെ വലുതാണ്. അവരുടെ ക്ഷേമം ഉറപ്പുവരുത്താന് സംസ്ഥാന വിദ്യാഭ്യാസ വകുപ്പ് നൂതന പദ്ധതികള് നടപ്പാക്കുമെന്നും ശര്മ്മ അറിയിച്ചു.
