ലാപ്ടോപ്പ് എന്നത് സ്മാർട്ട്ഫോൺ പോലെ തന്നെ ജീവിതത്തിന്റെ പ്രധാന ഭാഗമായി മാറിയിരിക്കുന്നു. വർക്ക് ഫ്രം ഹോം തുടങ്ങിയതോടെ ലാപ്ടോപ്പിന്റെ പ്രവർത്തനവും കൂടി. കൂടുതൽ പ്രവർത്തിപ്പിക്കുന്നതനുസരിച്ച് ബാറ്ററി ചാർജ് വേഗത്തിൽ തീർന്നുപോകാനുള്ള സാധ്യതയും കൂടുന്നു. എന്നിരുന്നാലും ഇനി പറയുന്ന കാര്യങ്ങൾ അനുസരിച്ചാൽ ബാറ്ററിയുടെ കപ്പാസിറ്റി വർദ്ധിപ്പിക്കാവുന്നതെ ഉള്ളു.
1. ബ്രൈറ്റ്നെസ് കുറയ്ക്കുക. പലരും അധികം ശ്രദ്ധിക്കാത്ത ഒരു കാര്യമാണ് ഇത്.
2. ഗൂഗിൾ ക്രോമിന് പകരം മൈക്രോസോഫ്റ്റ് എഡ്ജ് ബ്രൗസർ ഉപയോഗിക്കുക. മറ്റ് സെർച്ച് എഞ്ചിനുകളുമായി താരതമ്യം ചെയ്യുമ്പോൾ മൈക്രോസോഫ്റ്റ് എഡ്ജ് വളരെ കുറവ് ബാറ്ററി മാത്രമേ ഉപയോഗിക്കുകയുള്ളൂ.
3. ചാർജ് ചെയ്യാൻ ലാപ്ടോപ്പിന്റെ ബാറ്ററി ചാർജ് മുഴുവൻ തീരുന്നത് വരെ കാത്തിരിക്കാതെ ബാറ്ററി ചാർജ് കഴിയാറായി എന്ന് തോന്നിയാൽ അപ്പോൾ തന്നെ ചാർജർ കണക്ട് ചെയ്യുക. അത് പോലെ തന്നെ ഫുൾ ചാർജ് ആയി കഴിഞ്ഞാൽ അപ്പോൾ തന്നെ സ്വിച്ച് ഓഫ് ചെയ്യാനും മറക്കരുത്.
4. ഗെയിമിംഗ് ലാപ്ടോപ്പുകളിൽ ഉള്ള കീബോർഡ് ലൈറ്റുകൾ ഓഫ് ചെയ്യുക. ഇത്തരം ലൈറ്റുകൾ ബാറ്ററി പെട്ടെന്ന് തീരാൻ കാരണമാകും.
5. ഏതെങ്കിലും ഹെവി സോഫ്റ്റ്വെയർ ഉപയോഗിക്കുന്നവർ Best Perfomance എന്ന ഓപ്ഷൻ തിരഞ്ഞെടുക്കുക. അല്ലാത്തപക്ഷം Best Battery life എന്നത് തിരഞ്ഞെടുക്കുക. ടാസ്ക് ബാറിലെ ഐക്കണിൽ ഇതിനുള്ള ഓപ്ഷൻ കാണാവുന്നതാണ്.
6. മൊബൈൽ ഫോണുകളിൽ ഉള്ളത് പോലെ ബാറ്ററി കപ്പാസിറ്റി 20ൽ എത്തുമ്പോൾ ബാറ്ററി സേവർ മോഡ് ആക്റ്റീവ് ആകും. ഇത് വഴി അധിക സമയം ലാപ്ടോപ്പ് ഉപയോഗിക്കാൻ സാധിക്കും. ബാറ്ററി സേവർ മോഡ് ഓൺ ആണോ എന്ന് സെറ്റിങ്സിൽ നോക്കുക.
7. യുഎസ്ബി, വെബ് ക്യാം തുടങ്ങിയവ ആവശ്യം കഴിഞ്ഞാൽ ഊരുക.
8. ആവശ്യമില്ലാത്ത സമയങ്ങളിൽ വൈ-ഫൈ, ബ്ലൂടൂത്ത് എന്നിവ ഓഫ് ചെയ്യുക.
Comments