ഏറ്റവും പുതിയ രണ്ട് മോഡലുകളെ വിപണിയില് അവതരിപ്പിച്ചു തരംഗം സൃഷ്ടിച്ചിരിക്കുകയാണ് ഹസ്ഖ്വർണ ഇന്ത്യയിലെ ഇരുചക്രവാഹന രംഗത്ത് സ്ഥാനമുറപ്പിച്ച ഏറ്റവും പുതിയ ബ്രാന്ഡാണ് സ്വീഡനില് നിന്നുള്ള ഹസ്ഖ്വർണ. സ്വാര്ട്ട്പിലന് 250, വിറ്റ്പിലന് 250 എന്നീ രണ്ട് മോഡലുകള് പുറത്തിറക്കിയാണ് കെടിഎമ്മിന്റെ കീഴിലുള്ള കമ്പനി വിപണിയില് ശ്രദ്ധ പിടിച്ചുപറ്റിയത്. ഹസ്ഖി ഇരട്ടകള് 250 സിസി വില്പ്പനയില് ഡ്യൂക്കിനെ പിന്തള്ളി ഇന്ത്യയില് വളര്ന്നുവരുന്ന ക്വാര്ട്ടര് ലിറ്റര് ശ്രേണിയില് അതിവേഗമാണ് ഹസ്ഖ്വർണ സ്വാധീനം ചെലുത്തിയത്.
സ്പോര്ട്സ് മോട്ടോര്സൈക്കിളുകളാണ് സ്വാര്ട്ട്പിലനും വിറ്റ്പിലനും. രാജ്യമെമ്പാടുമുള്ള കെടിഎമ്മിന്റെ ഡീലര്ഷിപ്പുകളില് നിന്നാണ് ഹസ്ഖ്വർണ വില്പ്പനയ്ക്ക് എത്തുന്നത്. ഇന്ത്യന് ഇരുചക്ര വാഹന രംഗത്തേക്ക് പ്രവേശിച്ച ഏറ്റവും പുതിയ ബ്രാന്ഡാണ് സ്വീഡനില് നിന്നുള്ള ഹസ്ഖ്വർണ. കെടിഎമ്മിന്റെ കീഴിലുള്ള കമ്പനി സ്വാര്ട്ട്പിലന് 250, വിറ്റ്പിലന് 250 എന്നീ രണ്ട് ഇരട്ട മോഡലുകളുമായാണ് വിപണിയില് എത്തിയത്. 2019-ല് ഗോവയില് നടന്ന ഇന്ത്യ ബൈക്ക് വീക്കില് അരങ്ങേറ്റം കുറിച്ച 250 മോഡലുകളുടെ എക്സ്ഷോറൂം വില 1.80 ലക്ഷം രൂപയാണ്.
ലിക്വിഡ്-കൂള്ഡ്, ഫ്യുവല് ഇഞ്ചക്ഷന് സിംഗിള് സിലിണ്ടര്, ഫോര്-സ്ട്രോക്ക്, ഡി എച്ച് ഒ സി എഞ്ചിൻ എന്നിവ ഡൊമിനാര് 250, ഡ്യൂക്ക് 250, ഹസ്ഖ്വർണ ഇരട്ടകള് എന്നിവയില് കാണാം. ഭാരം കുറഞ്ഞ ട്രെല്ലിസ് ഫ്രെയിമിലാണ് ഡ്യൂക്ക് 250 ഒരുങ്ങിയിരിക്കുന്നത് എന്നതിനാല് ഇവയില് ഏറ്റവും വേഗതയേറിയ മോഡല് ഡ്യൂക്ക് തന്നെയാണ്. അപ്സൈഡ് ഡൗണ് ഫ്രണ്ട് ഫോര്ക്കുകള്, മോണോഷോക്ക് റിയര് സസ്പെന്ഷന്, 17 ഇഞ്ച് കാസ്റ്റ് അലൂമിനിയം വീലുകള്, 320 എംഎം ഫ്രണ്ട് ഡിസ്ക്, 230 എംഎം റിയര് ഡിസ്ക്, ഡ്യുവല്-ചാനല് എബിഎസ് സിസ്റ്റം, ഡിജിറ്റല് ഇന്സ്ട്രുമെന്റ് ക്ലസ്റ്റര്, എല്ഇഡി ഹെഡ്ലാമ്പ്, ടെയില് ലാമ്പുകള്, ബ്ലിങ്കറുകള് തുടങ്ങിയവ ഹസ്ഖി മോഡലുകലുടെ സവിശേഷതയാണ്.
