രണ്ടു യുവതാരങ്ങളുടെ കൂടെ നില്ക്കുന്ന മോഹന്ലാൽ, കണ്ടാല് ഇപ്പോഴും ചെറുപ്പമാണെന്ന് തോന്നും. അത്തരത്തിലുളള ഒരു സൂപ്പര് ചിത്രമാണ് ഇപ്പോള് സോഷ്യല് മീഡിയയില് വൈറലായി കൊണ്ടിരിക്കുന്നത്. മലയാള സിനിമാ രംഗത്തെ പ്രശസ്ത യുവതാരങ്ങളായ ദുല്ഖര് സല്മാന്റെയും പൃഥ്വിരാജിന്റെയും ഒപ്പമുള്ള മോഹന്ലാലിന്റെ ചിത്രമാണ് ഇപ്പോള് സോഷ്യല് മീഡിയ ഏറ്റെടുത്തിരിക്കുന്നത് . താര രാജാവിന്റെ ഈ പുതിയ ചിത്രത്തെ ഇരു കൈകളും നീട്ടിയാണ് സിനിമ ആരാധക ലോകം സ്വീകരിച്ചിരിക്കുന്നത്.
മൂന്നു താരങ്ങളും ഒരുമിച്ചുളള പുതിയ സിനിമയ്ക്ക് വേണ്ടിയുള്ള ഒരു മുന്നോടിയാണോ ഇതൊന്നും എമ്പുരാനുള്ള കാസ്റ്റിങ് ആണോ ഇതെന്നും ഉളള നിരവധി സംശയങ്ങളുമായാണ് ആരാധകര് രംഗത്തെത്തിയത്. പൃഥ്വിരാജിന്റെ ഭാര്യയും നിര്മാതാവുമായ സുപ്രിയ പൃഥ്വിരാജും സിനിമാ താരമായ അജു വര്ഗ്ഗീസും കിടലന് ക്യാപ്ഷനോടെ സോഷ്യല് മീഡിയ വഴി ചിത്രം പങ്കു വെച്ചിട്ടുണ്ട്. ലോക്ക് ഡൗണ് സമയത്ത് നിരവധി സിനിമാ താരങ്ങള് അവരുടെ ചിത്രങ്ങളും വീഡിയോകളും വിശേഷങ്ങളും സോഷ്യല് മീഡിയ വഴി പങ്കുവെച്ചിരുന്നു.
ലോക്ക് ഡൗണ് സമയത്ത് താടി നീട്ടി വളര്ത്തിയ ലാല് ചിത്രങ്ങളും മോഹന്ലാലിന്റെ പിറന്നാള് ആഘോഷത്തിന്റെ ചിത്രങ്ങളും മറ്റുമായി ഒരുപാട് ചിത്രങ്ങള് സോഷ്യല് മീഡിയ വഴി ആരാധകര് ഏറ്റെടുത്തിരുന്നു. ദൃശ്യം രണ്ടാം ഭാഗത്തിനായുളള മുന്നോടിയായി താടി എടുത്ത് മോഹന്ലാലിന്റെ ചിത്രങ്ങള് ഈ അടുത്തായി സോഷ്യല് മീഡിയയില് വൈറലായിരുന്നു. പൃഥ്വിരാജ് സംവിധാനം ചെയ്ത ലൂസിഫറില് മോഹന്ലാണ് പ്രധാന വേഷത്തില് എത്തിയത്. അതുകൊണ്ടു തന്നെ മൂന്നു താരങ്ങള് ഒന്നിച്ചുളള ഈ ചിത്രം ആരാധകരില് ഏറെ പ്രതീക്ഷ ഉണ്ടാക്കിയിട്ടുണ്ട്.
Comments