പുതിയ മോഡലുകളെ വിപണിയില് അവതരിപ്പിച്ചു ഫോക്സ്വാഗണ്. നൂതന ഓട്ടോമാറ്റിക് ട്രാന്സ്മിഷന് യൂണിറ്റുകളുളള ബിഎസ് VI പോളോ, വെന്റോ മോഡലുകളാണ് കമ്പനി പുറത്തിറക്കിയിരിക്കുന്നത്. 9.67 ലക്ഷം 12.99 ലക്ഷം എന്നിങ്ങിനെയാണ് കാറിന്റെ എക്സ്ഷോറൂം വില. പുതിയ ഓട്ടോമാറ്റിക് ട്രാന്സ്മിഷന് യൂണിറ്റ് പോളോ ജിടി ടിസ്ഐ, വെന്റോ ഹൈലൈന് പ്ലസ് വേരിയന്റുകളാണ് കമ്പനി വാഗ്ദാനം ചെയ്യുന്നത്. കമ്പനി ആദ്യം പുറത്തിറക്കിയ 1.2 ലിറ്റര് ടര്ബോ-പെട്രോള് എഞ്ചിനെക്കാള് ഭാരം കുറഞ്ഞതും ശക്തിയേറിയതും കൂടുതല് ഇന്ധനക്ഷത ലഭിക്കുന്നതുമാണ് പുതിയ എഞ്ചിന്. 110 ബിഎച്ച്പി കരുത്തുളളവയാണ് ഈ എഞ്ചിന്
തുടക്കത്തില് ഈ രണ്ട് മോഡലുകളിലും സിംഗിള് മാനുവല് ട്രാന്സ്മിഷന് ഓപ്ഷനില് മാത്രമായിരുന്നു ലഭ്യമായിരുന്നത്. എന്നാല് ഇപ്പോള്, രണ്ട് കാറുകളുടെയും ടോപ്പ്-സ്പെക്ക് പതിപ്പുകളില് ആറ് സ്പീഡ് ടോര്ക്ക്-കണ്വെര്ട്ടര് യൂണിറ്റിന്റെ രൂപത്തില് ഒരു ഓട്ടോമാറ്റിക് ഗിയര്ബോക്സും ലഭ്യമാണ്. പോളോ ജിടിയില് 16.47 കിലോമീറ്ററും വെന്റോയില് 16.35 കിലോമീറ്റര് മൈലേജും ലഭിക്കുന്നു. കമ്പനിയുടെ ഔദ്യോഗിക വെബ്സൈറ്റ് വഴിയും അംഗീകൃത ഡീലര്ഷിപ്പുകള് വഴിയും ഫോക്സ്വാഗണ് മോഡലുകള്ക്കായുള്ള ബുക്കിംഗ് ആരംഭിച്ചു.
സെപ്റ്റംബര് പതിനഞ്ചു മുതല് മോഡലുകളുടെ ഡെലിവറി ആരംഭിക്കുമെന്ന് കമ്പനി അറിയിച്ചു. അതേ സമയം വാഹനത്തില് പുതിയതായ മറ്റ് മാറ്റങ്ങള് ഒന്നും തന്നെ നിര്മ്മാതാക്കള് വരുത്തിയിട്ടില്ല. പോളോ, വെന്റോ മോഡലുകളുടെ ഓട്ടോമാറ്റിക് വേരിയന്റ് അവതരിപ്പിച്ച ഫോക്സ്വാഗണ് ബ്രാന്ഡ, ഇന്ത്യന് നിരത്തില് എത്തിച്ചിട്ടുള്ള വാഹനങ്ങളില് ഏറ്റവും നന്നായി ഒടുന്ന മോഡലുകളാണ് പോളോ ഹാച്ച്ബാക്കും, വെന്റോ എന്ന സെഡാനും. ഈ രണ്ടു മോഡലുകളും അതിന്റെ ഗുണനിലാവാരം കൊണ്ടും പ്രവര്ത്തന മികവു കൊണ്ടും വാഹന വിപണിയില് ജനപ്രീതിയും ശ്രദ്ധയും നേടിയെടുത്തവയാണ്.
