കാലുകളില്‍ ഞരമ്പുകള്‍ തടിച്ചു വീര്‍ത്തു കിടക്കുന്ന അവസ്ഥയാണ് വെരിക്കോസ് വെയിന്‍. രക്തപ്രവാഹം തടസപ്പെട്ട് കാലുകളില്‍ നിന്നും രക്തം തിരിച്ചു ഹൃദയത്തിലേയ്‌ക്കു പ്രവഹിയ്‌ക്കാത്ത അവസ്ഥ. കാലിന്റെ നിറ വ്യത്യാസമാണ് വെരിക്കോസ് വെയിനിന്റെ ആദ്യ ലക്ഷണം. വേദന വരുന്ന ഭാഗങ്ങളില്‍ പിന്നീട് തടിപ്പ് കണ്ടുവരുന്നു. പിന്നീട് നീര്, ചൊറിച്ചില്‍ തുടങ്ങിയവയും ഉണ്ടാകുന്നു. ഞരമ്പ് ചുരുണ്ടുകൂടി കാണുന്നത് അത്ര സുഖകരമായ കാഴ്ചല്ല. കൂടാതെ കടുത്ത വേദനയും അസ്വസ്ഥതയും അനുഭവപ്പെടുന്നു. വെരിക്കോസ് വെയിന്‍ വീട്ടില്‍ തന്നെയുളള ചില നാടന്‍ വഴി ഉപയോഗിച്ച് ഇല്ലാതാക്കാവുന്നതാണ്.
വയനയില മിക്‌സിയിലിട്ട് അടിച്ച ശേഷം അതിലേക്ക് മൂന്നു ടേബിള്‍ സ്പൂണ്‍ ഒലിവ് ഓയില്‍ ഒഴിച്ചുകൊടുക്കുക. ഈ മിശ്രിതം വെരിക്കോസ് വെയിന്‍ ഉള്ള ഭാഗത്ത് നന്നായി തേച്ചു പിടിപ്പിക്കുക രണ്ട് മണിക്കൂറിന് ശേഷം തണുത്ത വെള്ളം കൊണ്ട് കഴുകി കളയുക. വെരിക്കോസ് വെയിന്‍ മാറാനുളള ഏറ്റവും നല്ല പരിഹാരമാണിത്. കറ്റാര്‍വാഴയുടെ ജെല്‍ വച്ച് വെരിക്കോസ് വെയിനുള്ള ഭാഗത്ത് മസാജ് ചെയ്യുന്നതു വളരെ നല്ലതാണ്. ഇതിലെ ന്യൂട്രിയന്റുകള്‍ ചര്‍മത്തേയും സര്‍കുലേറ്ററി സിസ്റ്റത്തേയും സുഖപ്പെടുത്തുകയും ഞരമ്പുകളുടെ വീര്‍പ്പ് കുറയ്‌ക്കുകയും ചെയ്യുന്നു. ഇങ്ങിനെ ദിവസവും ചെയ്യുന്നത് വെരിക്കോസ് വെയിനില്‍ നിന്നും ശമനം ലഭിയ്‌ക്കാന്‍ ഏറെ നല്ലതാണ്.
വെരിക്കോസ് വെയിനിനുള്ള മറ്റൊരു പ്രതിവിധിയാണ് വെളുത്തുള്ളി. വെളുത്തുള്ളി ചൂടുവെള്ളത്തോടൊപ്പമോ ചെറുനാരങ്ങാനീരിലോ ചേര്‍ത്തു കഴിയ്‌ക്കുകയോ വെളുത്തുള്ളി ചതച്ച് അല്‍പം ഒലീവ് ഓയില്‍ ചേര്‍ത്തിളക്കി വെരിക്കോസ് വെയിനില്‍ പുരട്ടുകയോ ചെയ്യാം. ഇതിലെ സള്‍ഫ്യൂരിക് ഘടകങ്ങള്‍ ഞരമ്പുകളുടെ വീര്‍പ്പം കുറയ്‌ക്കാന്‍ സഹായിക്കുന്നു. പച്ചത്തക്കാളി വെരിക്കോസ് വെയിനുള്ള നല്ലൊരു പ്രതിവിധിയാണ്. ഇത് ശരീരത്തിലെ രക്തപ്രവാഹം കൃത്യമായി നടക്കാന്‍ സഹായിക്കും. പച്ചത്തക്കാളി കഷ്ണങ്ങളാക്കി വെരിക്കോസ് വെയിനിനു മുകളില്‍ വച്ച് നേര്‍ത്ത തുണി കൊണ്ടോ ബാന്‍ഡേഡ് കൊണ്ടോ കെട്ടിവയ്‌ക്കുക. മുക്കാല്‍ മണിക്കൂര്‍ കഴിഞ്ഞ് തണുത്ത വെള്ളം കൊണ്ടു കഴുകാം. ഇത് എല്ലാ ദിവസവും ചെയ്യുക. വെരിക്കോസ് വെയിനില്‍ നിന്നും ആശ്വാസം ലഭിയ്‌ക്കും.
