പാരീസ്: ഫ്രഞ്ച് ഓപ്പണില് റഫേല് നദാലും യു.എസ്.ഓപ്പണ് ചാമ്പ്യന് ഡോമിനിക് തീമും കരേനോ ബുസ്റ്റയും ജയത്തോടെ തുടങ്ങി. സീഡഡ് താരങ്ങളായ മെഡ് വേദേവും ലോപ്പസും അപ്രതീക്ഷിതമായി പുറത്തായി.
സ്പെയിനിന്റെ റഫേല് നദാല് ബെലാറൂസിന്റെ ഈഗര് ജെറാസിമോവിനെ നേരിട്ടുള്ള സെറ്റുകള്ക്കാണ് തോല്പ്പിച്ചത്. 6-4, 6-4, 6-2നാണ് നദാലിന്റെ ജയം. രണ്ടാം റൗണ്ടില് അമേരിക്കയുടെ മക്ഡൊണാള്ഡാണ് എതിരാളി. മൂന്നാം സീഡ് ഡോമിനിക് തീം മാറിന് സിലിച്ചിനെ 6-4, 6-3, 6-3 എന്ന സ്കോറിന് പരാജയപ്പെടുത്തി. രണ്ടാം റൗണ്ടില് ജാക്ക് സോക്കാണ് എതിരാളി.
17-ാം സീഡ് പാബ്ലോ കരാനോ ബുസ്റ്റയും രണ്ടാം റൗണ്ടില് കടന്നു. ജോണ് മില്മാനേയാണ് ബുസ്റ്റ തോല്പ്പിച്ചത്. യു.എസ്.ഓപ്പണില് ജോക്കോവിച്ചിന് അയോഗ്യത കിട്ടിയ മത്സരത്തിലെ എതിരാളിയാണ് ബുസ്റ്റ. അര്ജ്ജന്റീനയുടെ കരുത്തനായ ഗ്യൂഡോ പെല്ലയാണ് രണ്ടാം റൗണ്ടിലെ എതിരാളി.
തോല്വി പിണഞ്ഞ സീഡഡ് താരങ്ങളില് മെഡ്വേദേവും ലോപ്പസും ഉള്പ്പെട്ടു. നാലാം സീഡ് മെഡ്വേദേവിനെ 6-4, 7-6,2-6,6-1ന് ഫുക്സോവിക്സാണ് അട്ടിമറിച്ചത്. മറ്റൊരു മത്സരത്തില് ഫിലിസിനോ ലോപ്പസ് 6-7,4-6,4-6ന് ആള്ട്ട്മേയറിനോടും പരാജയപ്പെട്ടു.
Comments