ദുബായ്: രവിചന്ദ്ര അശ്വിന് ഇന്നലെ തന്റെ പേരില് വിവാദമായ മങ്കാദിംഗ് ആവര്ത്തിക്കാതെ വാര്ത്ത സൃഷ്ടിച്ചു. ഡല്ഹി ക്യാപിറ്റല്സില് പരിക്കിന് ശേഷം കളിക്കാനിറങ്ങിയ അശ്വിനാണ് ബൗളിംഗിനിടെ മങ്കാദിംഗ് വീണ്ടും എതിരാളികളെ ഓര്മ്മപ്പെടുത്തിയത്. റോയല് ചലഞ്ചേഴ്സിന്റെ ബാറ്റിംഗിനിടെയാണ് സംഭവം നടന്നത്. ആരോണ് ഫിഞ്ചാണ് അശ്വിന് പന്തെറിയാന് തുടങ്ങവേ ക്രീസ് വിട്ട് പുറത്തേക്ക് നീങ്ങിയത്. പന്തെറിയാനായി പോപ്പിംഗ് ക്രീസിലേക്ക് ഓടിയെത്തിയ അശ്വിന് പന്തെറിയാതെ നിന്നുകൊണ്ട് ബാറ്റ്സ്മാനേയും പിന്നീട് അമ്പയറേയും ഒന്നു നോക്കിയ ശേഷം തിരികേ നടന്നു.
Let’s make it clear !! First and final warning for 2020. I am making it official and don’t blame me later on. @RickyPonting #runout #nonstriker @AaronFinch5 and I are good buddies btw.😂😂 #IPL2020
— Ashwin 🇮🇳 (@ashwinravi99) October 5, 2020
‘ ഒരു കാര്യം വ്യക്തമാക്കുകയാണ്. ഇന്നലെ നടന്നത് 2020ലെ ആദ്യത്തേതും അവസാനത്തേതുമായ മുന്നറിയിപ്പാണ്. ഇനി എന്നെ കുറ്റപ്പെടുത്തരുത്. ഡല്ഹിയുടെ പരിശീലകന് റിക്കിപോണ്ടിംഗിനേയും ആരോണ് ഫിഞ്ചിനേയും ടാഗ് ചെയ്ത ട്വിറ്ററിലൂടെയാണ് അശ്വിന് നയം വ്യക്തമാക്കിയത്. മങ്കാദിംഗ് ഒരു ശരിയായ കീഴ്വഴക്കമല്ലെന്ന് റിക്കിപോണ്ടിംഗ് അഭിപ്രായപ്പെട്ടിരുന്നു.
ബാറ്റ്സ്മാന്മാരാണ് ഔട്ടാകാതെ നോക്കേണ്ടതെന്നും മങ്കാദിംഗ് നടത്തിയാല്തന്നെ കുറ്റപ്പെടുത്തരുതെന്നുമുള്ള സന്ദേശമാണ് അശ്വിന് വീണ്ടും 2020ല് പുതുക്കിയത്. കഴിഞ്ഞ സീസണില് അശ്വിന് നടത്തിയ മങ്കാദിംഗ് വലിയ വിവാദമായിരുന്നു.
Comments